قاراعاندى قالاسىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى توميريس باقىت مۇحتار اۋەزوۆتىڭ «اباي جولى» رومان-ەپوپەياسى نەگىزىندە ۇستەل ويىنىن جاسادى, دەپ حابارلايدى Egemen.kz «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ ءباسپاسوز قىزمەتىنە سىلەتەمە جاساپ.
ويىن «Absolutely obsolete» دەپ اتالادى. ول جاس بۋىنعا بوس ۋاقىتىن قىزىقتى وتكىزىپ قانا قويماي, قازاق ادەبيەتى مەن ەتنومادەنيەتىن تەرەڭ تۇسىنۋگە كومەكتەسەدى.
«اباي جولىنىڭ» ءبىرىنشى تومىن وقىعاندا كوپ سوزدەر مەن سالت-داستۇرلەردى تۇسىنبەدىم. قاتارلاستارىمنان سۇراستىرعاندا, ولاردا دا وسىنداي ماسەلە بار ەكەنىن ءبىلدىم. سول سەبەپتى شىعارمانى ءتۇسىنىپ وقىپ, سوزدىك قوردى ارتتىرۋ ماقساتىندا وسىنداي ۇستەل ويىنىن جاساپ شىقتىم», دەيدى توميريس باقىت.
«Absolutely obsolete» ۇستەل ويىنىندا قازىر 60 كارتا بار. وقۋشى الداعى ۋاقىتتا جوباعا رومانداعى كەيىپكەرلەر مەن رۋلار جايلى ءبولىم ەنگىزۋدى جوسپارلاپ وتىر.