بايلانىس داميدى

رەسمي ءىس-شاراعا پارلامەنت ءما­جىلىسىنىڭ حالىقارالىق ىس­تەر, قورعانىس جانە قاۋىپسىزدىك كو­ميتەتىنىڭ توراعاسى ايگۇل قۇسپان جانە سىرتقى ىستەر ءمي­نيس­ترىنىڭ ورىنباسارى رومان ۆاسيلەنكو قاتىستى.

سالتاناتتى راسىمگە قاتىسۋ­شى­لارعا ارناعان سوزىندە سلوۆا­كيا حالىقتىق رادا سپيكەرى ب.كوللار قازاقستاننىڭ ءىرى قار­جى, عىلىمي, ءبىلىم بەرۋ جانە تۋريستىك ورتالىعى – الماتىدا سلوۆاك كونسۋلدىعىن اشۋدىڭ ماڭىزىنا توقتالدى. ب.كول­­لاردىڭ ايتۋىنشا, الماتى جانە الماتى وبلى­سى­نىڭ قازاق­ستان­نىڭ ەكو­نو­مي­كالىق ورتا­لى­عى رەتىندەگى ءرولى ايرىقشا. كون­سۋلدىق سلوۆاكيا ازاماتتارىنا قولداۋ كورسەتە وتىرىپ, ەكى ەلدىڭ ىنتى­ماقتاستىعىنا جانە بيزنەس ارىپتەستىكتىڭ دامۋىنا ىق­پال ەتەدى.

ءوز كەزەگىندە دەپۋتات ايگۇل قۇسپان قۇرمەتتى كون­سۋل­دىق­تىڭ اشىلۋى قازاق­ستان مەن سلوۆاكيا اراسىنداعى ديپ­لو­­ماتيالىق قا­تى­ناستاردىڭ ورنا­عانىنا 30 جىل تولۋىنا وراي­لاستىرىلىپ وتىرعانىن جەت­كىزىپ, بۇل وقيعا ءداستۇرلى دوستىق بايلانىستاردى نىعاي­تۋداعى تاعى ءبىر ماڭىزدى قادام ەكەنىنە توقتالدى.

سىرتقى ىستەر ءمينيسترىنىڭ ورىن­باسارى ر.ۆاسيلەنكو كونسۋل­دىق مادەنيەت, عىلىم, ءبىلىم, ەكو­نو­ميكا جانە ءوزارا ساۋدا سالالارىندا قازاقستان-سلوۆاك ىنتى­ماقتاستىعىن دامى­تۋ­عا جانە نىعايتۋعا ىقپال ەتە­تى­نىنە سەنىم ءبىلدىردى.