ەرتەڭ ەلدىڭ باسىم بولىگىندە قاتتى جەل سوعادى

قارا تەڭىز جاقتان ويىسقان تسيكلون جانە ونىمەن بايلانىستى اتموسفەرالىق فرونتالدى بولىكتەر اسەرىنەن رەسپۋبليكانىڭ باسىم بولىگىندە جاڭبىر جاۋادى, تەك ەلدىڭ وڭتۇستىك-شىعىسىندا, شىعىسىندا, وڭتۇستىك-باتىسىندا جاۋىن-شاشىنسىز اۋا رايى ساقتالادى. قازاقستان بويىنشا جەلدىڭ كۇشەيۋى بايقالادى, ەلىمىزدىڭ باتىسىندا, سولتۇستىگىندە, ورتالىعىندا نايزاعاي وينايدى, شىعىستا تۇمان تۇسەدى, وڭتۇستىك-باتىستا شاڭدى داۋىل تۇرادى. تۇندە جەتىسۋ وبلىسىنىڭ ورتالىعىندا 3 گرادۋس اياز بولادى دەپ بولجانادى.

قىزىلوردا وبلىسىنىڭ سولتۇستىگىندە نايزاعاي ويناپ, كۇندىز وڭتۇستىك-شىعىستان سولتۇستىك-باتىسقا ويىسا جەل سوعادى. وبلىستىڭ ورتالىعىنداعى شاڭدى داۋىلدىڭ ەكپىنى 15-20 م/س قۇرايدى.

اتىراۋ وبلىسىنىڭ شىعىسى مەن وڭتۇستىگىندە كۇندىز 15-20 م/س جىلدامدىقپەن باتىستان جەل سوعادى دەپ كۇتىلەدى.

اقتوبە وبلىسىنىڭ سولتۇستىگى, شىعىسىندا كۇندىز نايزاعاي وينايدى, سولتۇستىك-باتىستان سوققان جەل باتىسقا قاراي ويىسىپ, باعىتى وزگەرەدى. مۇنداعى سوققان جەلدىڭ ەكپىنى - 15-20 م/س.  اقتوبەدە كۇندىز نايزاعاي وينايدى دەپ كۇتىلەدى. كۇندىز سولتۇستىك-باتىستان, باتىستان سوققان جەلدىڭ ەكپىنى 15-20 م/س دەيىن جەتەدى.

كۇندىز باتىس قازاقستان وبلىسىنىڭ سولتۇستىگىندە, شىعىسىندا نايزاعاي وينايدى دەپ كۇتىلەدى.

كۇندىز تۇركىستان وبلىسىنىڭ تاۋلارىندا نايزاعاي جارقىلدايدى. وبلىستىڭ سولتۇستىگىندە شاڭدى داۋىل تۇرىپ, وڭتۇستىكتەن سولتۇستىك-باتىسقا قاراي باعىتىن وزگەرتكەن جەلدىڭ ەكپىنى 15-20 م/س قۇرايدى.

اقمولا وبلىسىنىڭ سولتۇستىگىندە, باتىسىندا جانە وڭتۇستىگىندە وڭتۇستىك-شىعىستان جەل سوعىپ, كۇندىز باعىتى وڭتۇستىك-باتىسقا قاراي اۋىسادى, ەكپىنى - 15-20 م/س. وبلىستىڭ باتىسىندا كۇندىز نايزاعاي ويناۋى مۇمكىن. استانادا وڭتۇستىك-شىعىستان وڭتۇستىك-باتىسقا ويىسا جەل سوعادى, تاڭەرتەڭ جانە تۇستەن كەيىنگى ەكپىنى 15-20 م/س بولادى. كوكشەتاۋ قالاسىندا تۋرا وسىنداي اۋا رايى قۇبىلىسى ساقتالادى.

تۇندە قاراعاندى وبلىسىنىڭ سولتۇستىگى مەن شىعىسىندا 15-20 م/س جىلدامدىقپەن وڭتۇستىك جەل سوعادى, ال كۇندىز وبلىستىڭ بارلىق اۋداندارىندا سوققان جەلدىڭ ەكپىنى 15-20 م/س قۇرايدى, كەي تۇستا ونىڭ ەكپىنى 23 م/س دەيىن جەتەدى. قاراعاندى قالاسىندا كۇندىز 15-20 م/س جىلدامدىقپەن وڭتۇستىكتەن جەل سوعادى دەپ كۇتىلەدى. 

كۇندىز ۇلىتاۋ وبلىسىنىڭ سولتۇستىگىندە, شىعىسىندا نايزاعاي وينايدى دەپ كۇتىلەدى. تۇندە وبلىستىڭ سولتۇستىگىندە, شىعىسىندا وڭتۇستىك-شىعىستان سوققان جەلدىڭ ەكپىنى 15-20 م/س, كەي تۇستا 23 م/س بولادى. جەزقازعان قالاسىندا وڭتۇستىك-شىعىستان سوققان جەلدىڭ ەكپىنى 15-20 م/س قۇرايدى.

كۇندىز پاۆلودار وبلىسىنىڭ سولتۇستىگىندە 15-20 م/س جىلدامدىقپەن وڭتۇستىك-شىعىستان جەل سوعادى دەپ كۇتىلەدى.

سولتۇستىك قازاقستان وبلىسىنىڭ باتىسىندا كۇندىز نايزاعاي ويناۋى مۇمكىن. وبلىستىڭ باتىسىندا تۇندە 15-20 م/س جىلدامدىقپەن وڭتۇستىكتەن جەل سوعادى دەپ كۇتىلەدى, ال كۇندىز ءوڭىردىڭ باسىم بولىگىندە سوققان جەلدىڭ ەكپىنى 15-20 م/س, كەي تۇستا 23 م/س دەيىن جەتەدى. سونداي-اق, پەتروپاۆلدا كۇندىز 15-20 م/س جىلدامدىقپەن وڭتۇستىكتەن جەل سوعادى دەپ كۇتىلەدى. 

قوستاناي وبلىسىنىڭ باتىسىندا, وڭتۇستىگىندە نايزاعاي ويناۋى مۇمكىن. وبلىستىڭ باسىم بولىگىندە وڭتۇستىك-شىعىستان سولتۇستىك-باتىسقا ويىسا سوققان جەلدىڭ ەكپىنى - 15-20 م/س. قوستاناي قالاسىندا كۇندىز نايزاعاي وينايدى. وڭتۇستىك-شىعىستان سولتۇستىك-باتىسقا ويىسا سوققان جەلدىڭ ەكپىنى 15-20 م/س دەيىن جەتەدى.

جەتىسۋ وبلىسىندا الاكول اۋدانىندا شىعىستان 17-22 م/س جىلدامدىقپەن جەل سوعادى دەپ كۇتىلەدى, تۇندە وبلىستىڭ ورتالىعىندا 3 گرادۋسقا دەيىن سىناپ باعانى تومەندەپ, سۋىق بولادى. تالدىقورعان قالاسىندا تۇندە اۋا تەمپەراتۋراسى 3-5 گرادۋس سۋىق بولادى. 

تۇندە الماتى وبلىسىندا سولتۇستىك-شىعىستان 15-20 م/س جىلدامدىقپەن سوققان جەل وڭتۇستىك-باتىسقا باعىتىن وزگەرتەدى.

سەمەي قالاسى بويىنشا 22 ءساۋىر ساعات 21:00-دەن 23 ءساۋىر 09:00-گە دەيىن كۇتىلەتىن قولايسىز مەتەوجاعدايلارعا بايلانىستى ەكىنشى دارەجەلى ۇمۋ تۋرالى ەسكەرتۋ جاريالاندى.

22 ءساۋىر ساعات 21:00-دەن 23 ءساۋىر ساعات 09:00-گە دەيىن وسكەمەن, ريددەر قالالارى بويىنشا كۇتىلەتىن قولايسىز مەتەوجاعدايلارعا بايلانىستى ەكىنشى دارەجەلى ۇمۋ تۋرالى ەسكەرتۋ جاريالاندى.