وتكەن جىلدىڭ 9 قاراشاسىندا شىمكەنت قالاسىنداعى تەمىرجول ۆوكزالىنىڭ جانىندا وقىس وقيعا بولىپ, 10 جاسار بالانى قاتتى كۇيىك شالعان. قر دەنساۋلىق ساقتاۋ مينيسترلىگى Facebook-تەگى پاراقشاسىندا زارداپ شەككەن بالانىڭ قازىرگى جاعدايىمەن بولىستى, دەپ حابارلايدى Egemen.kz.
زارداپ شەككەن بالاعا 19 وتا, اتاپ ايتقاندا, 13 رەت تەرىنى اۋىستىرۋ وپەراتسياسى جانە 6 نەكرەكتوميا جاسالعان.
دەنەسى تولىق كۇيىپ قالعان بالا شامامەن 3 اي بويى قالالىق بالالار كلينيكالىق اۋرۋحاناسىنىڭ رەانيماتسيا بولىمشەسىندە جاتتى.
شىمكەنت قالاسىنداعى بالالار كلينيكالىق اۋرۋحاناسىنىڭ كومبۋستيولوگ دارىگەرى بۇل جاعداي تۋرالى ەگجەي-تەگجەيلى ايتىپ بەردى.
«ناۋقاس اۋرۋحاناعا 2022 جىلدىڭ 9 قاراشاسىندا وتە اۋىر جاعدايدا ءتۇستى. بالانىڭ 65 پايىز دەنەسىن كۇيىك شالعان. ءبىزدىڭ اۋرۋحانادا ەمدەلگەن بالانىڭ قازىرگى جاعدايى ءبىرشاما جاقساردى», دەيدى ول.
دارىگەردىڭ ايتۋىنشا, اۋرۋحاناداعى بىلىكتى ماماندار بالانىڭ ساۋىعىپ كەتۋى جانە وڭ ناتيجەلەرگە قول جەتكىزۋى ءۇشىن قولدان كەلگەننىڭ ءبارىن جاساپ جاتىر.