شىعىس قازاقستان وبلىسىنىڭ گلۋبوكوە اۋدانىنا اكىم تاعايىندالدى. ءوڭىر باسشىسى بەردىبەك ساپارباەۆ اكىم بولىپ تاعايىندالعان ارمان بەكبوسىنوۆتى اۋدان اكتيۆىنە تانىستىردى.
سوڭعى جارتىجىلدىقتا اۋدان اكىمى لاۋازىمى بوس تۇرعان بولاتىن. وعان دەيىن اۋدان تىزگىنىن ۇستاعان نۇرلىبەك شەرۋباەۆ وبلىس اكىمىنىڭ ورىنباسارى بولىپ اۋىسقان ەدى.
ارمان بەكبوسىنوۆ – وسكەمەندەگى جول-قۇرىلىس ينستيتۋتىن تامامداعان. ۇزاق جىلدار كولىك جانە كوممۋنيكاتسيا سالاسىندا جاۋاپتى قىزمەتتەر اتقاردى. 2009-2010 جىلدارى شىعىس قازاقستان وبلىسى جولاۋشىلار كولىگى جانە اۆتوكولىك جولدارى باسقارماسىنىڭ باستىعى, 2010-2013 جىلدارى كاتونقاراعاي اۋدانىنىڭ اكىمى, 2013 جىلدىڭ تامىز ايىنان «ەرتىس» الەۋمەتتىك-كاسىپكەرلىك كورپوراتسياسى» ۇك اق باسقارما توراعاسى قىزمەتىن اتقاردى.
دۋمان اناش,
«ەگەمەن قازاقستان».
شىعىس قازاقستان وبلىسى.