ەلباسى نۇرسۇلتان نازارباەۆ استانا كۇنىنە ارنالعان سالتاناتتى قابىلداۋعا قاتىستى, دەپ حابارلادى پرەزيدەنتتىڭ ءباسپاسوز قىزمەتى.
قابىلداۋعا جينالعاندارعا ارناعان سوزىندە قازاقستان پرەزيدەنتى ەلوردانىڭ ءىس جۇزىندە ون جىل ىشىندە سالىنعان ءححى عاسىرداعى بىردەن-ءبىر استانا ەكەنىن اتاپ ءوتتى.
– استانانىڭ قالىپتاسۋى حالىق تاعدىرىمەن جانە مەملەكەت تاۋەلسىزدىگىنىڭ جىلناماسىمەن تىعىز استاسىپ جاتىر. ءبىز وسى ەلوردادا ەل تاريحىنىڭ جاڭا پاراعىن اشىپ, بولاشاققا زور سەنىممەن قارايمىز. استانا مەملەكەتتىلىك پەن ەگەمەندىكتىڭ ايرىقشا سيمۆولىنا اينالدى. وسىنىڭ ءبارى ءبىزدىڭ ورتاق ەڭبەگىمىزدىڭ ناتيجەسى, – دەدى نۇرسۇلتان نازارباەۆ.
مەملەكەت باسشىسى بارشاعا باق-بەرەكە, دەنساۋلىق جانە تابىس تىلەدى.
ەلباسى, سونداي-اق, قازىرگى زامانعى ونەر مۋزەيىنىڭ ديرەكتورى ن.شيۆريناعا, «استانا وپەرا» مەملەكەتتىك وپەرا جانە بالەت تەاترىنىڭ ديرەكتورى ت.مۇحامەدجانوۆقا جانە «Sembol Insaat» اق پرەزيدەنتى ف.تاميندجەگە «استانا قالاسىنىڭ قۇرمەتتى ازاماتى» اتاعىن تاپسىردى.
سۋرەتتى تۇسىرگەندەر س.بوندارەنكو, ب.وتارباەۆ.