اسكەردەگى ساربازداردىڭ ءولىمى جيىلەگەننەن كەيىن, قوعامدا اسكەريلەردىڭ ءوز-وزىنە قول جۇمساۋى كوپ بولادى دەگەن پىكىر قالىپتاسقانى راس. دەگەنمەن, باس اسكەري پروكۋروردىڭ ءبىرىنشى ورىنباسارى, ادىلەت پودپولكوۆنيگى ماقسات قازيەۆ ونىڭ شىندىققا جاناسپايتىنىن ايتتى, دەپ حابارلايدى Egemen.kz.
باس اسكەري پروكۋروردىڭ ءبىرىنشى ورىنباسارى بۇنداي پىكىردىڭ رەسمي مالىمەتتەرمەن سايكەس كەلمەيتىنىن ايتادى.
«قۇقىقتىق ستاتيستيكا كوميتەتىنىڭ مالىمەتىنشە, 2018-2022 جىلدارى قازاقستاندا 17 631 سۋيتسيد جانە 21 332 وعان وقتالۋ جاعدايى تىركەلگەن, ياعني 10 مىڭ ازاماتقا 9 سۋيتسيد جانە 11 ءوز-وزىنە قول جۇمساۋعا وقتالۋ كەلەدى. ولاردىڭ 86 ءسۋيتسيدى جانە 20 ءوز-وزىنە قول جۇمساۋعا وقتالۋ دەرەگى اسكەردە بولعان, ياعني 10 اسكەري قىزمەتشىگە 6 سۋيتسيد جانە 1 ءوز-وزىنە قول جۇمساۋعا وقتالۋ كەلەدى», دەدى ول.
ماقسات قازيەۆتىڭ پىكىرىنشە, بۇل دەرەكتەر سۋيتسيد كوبىنە اسكەردە بولادى دەگەن تۇسىنىكتى جوققا شىعارادى.