زەرتتەۋ ۋنيۆەرسيتەتى جانە تسيفرلىق مەديا

جۋرناليستيكا سالاسىندا ءبىلىم بەرۋدى بىرلەسىپ شەشۋگە ارنالعان كەزدەسۋدى بۇۇ جاھان­دىق كوممۋ­نيكاتسيالار دەپار­تامەنتىنىڭ وكىلى, بۇۇ قازاق­ستانداعى اقپا­رات بيۋروسى­نىڭ باسشىسى ۆلاس­تيميل سامەك اشىپ, زاماناۋي جۋر­ناليستي­كا­نىڭ قاي باعىتتا داميتىنى وتە ماڭىزدى ماسەلە ەكەنىن ايتتى.

– بۇگىندە ساپالى ءبىلىم بە­رۋ, تۇراقتى دامۋ ءۇشىن جۋر­نا­ليستىك ءبىلىم بەرۋ جونىن­دەگى جاھاندىق باستامالاردى قول­داي وتىرىپ, جۋرناليستيكا ءپانى وقىتىلاتىن بارلىق ۋني­ۆەرسيتەتتىڭ بۇر­ما­لان­عان اقپا­راتقا جول بەر­مەۋى, جاۋاپ­كەر­شىلىگىن ارتتىرۋ, اق­پاراتتى جىلدام ءارى شىنايى جەتكىزۋ تسيفرلى عاسىرداعى ماڭىز­دى ماسەلەنىڭ ءبىرى. وسى ورايدا قازاق­ستاندا دا جۋرناليس­تيكا ما­ماندىعى بويىنشا ءوزارا بىر­لەس­ە وتىرىپ, ءبىلىم بەرۋدى جەتىل­­دىرۋ ءۇشىن كاسىبي ارىپتەستىك باي­لانىس ورناتۋ ماڭىزدى, – دەدى ۆ.سامەك.

جوعارى ءبىلىم بەرۋدى بۇقارا­لاندىرۋ جانە جۋرناليستيكا ماماندىعى بويىنشا ءبىلىم بەرۋ, دۇنيە ءجۇزى حالىقتارى اراسىنداعى بايلانىس پەن مادەنيەتارالىق قۇندىلىقتار جايىنداعى زەرتتەۋلەر مەن ۇسىنىس-پىكىرلەردى ورتاعا سالعان ساراپشىلار وزبەكستان, قىرعىزستان جانە قازاقستان ورتالىق ازيا ۋنيۆەرسيتەتتەرى اياسىندا قۇرىلعان جۋرناليستيكا قاۋىمداستىعى, ەۋروپا, تاياۋ شىعىس جانە ورتالىق ازيا عا­لىم­دارىنىڭ اراسىنداعى ىق­پال­داستىقتىڭ ماڭىزدى ەكەنىن تىلگە تيەك ەتتى. تسيفرلى كەڭىستىكتە عىلىم مەن يننوۆاتسيانىڭ دامۋى, اقپاراتتىڭ دالدىگىنە كوز جەتكىزۋ, جۋرناليستيكا عىلىمىن دامىتۋ, قاشىقتان اقپارات الۋدىڭ تەحنيكالىق مۇمكىندىكتەرىنە قا­تىستى ايتىلعان ساراپشىلار ۇسىنىسى قىزۋ پىكىرتالاسقا ۇلا­سىپ, ماسەلەلەر ورتاعا سالىندى.

قازاقستانداعى جۋرناليست عالىمداردىڭ باستاماسى­مەن 2019 جىلى تاشكەنت قالا­سىندا ورتالىق ازيا ۋنيۆەر­سي­تەت­تەرى جۋرناليستيكا قاۋىم­داس­تىعى قۇرىلعان بولا­تىن. وسى ىق­پال­داستىق اياسىن­دا جال­­­­عاسىن تاپقان فورۋمدا نە­­گىز­­گى بايان­داماشىلاردىڭ ءبىرى, اريەل ۋن­ۆيەرسيتەتىنىڭ (يز­رايل) كوم­مۋنيكاتسيا جانە جۋر­­­نا­­­ليستيكا مەكتەبىنىڭ پروفەسسورى دميتري ستروۆسكي جۋرنا­ليستيكانىڭ جاھاندىق ميسسيا­سىنا ەرەكشە توقتالا كەلىپ, قازىر­گى باستى قۇندىلىق قوعامنىڭ شىن­دىق پەن ادىلدىككە دەگەن سەنىمىن وياتۋ ەكەنىن اتاپ ءوتتى.

قىرعىزستان ونلاين ۋنيۆەر­سيتەتىنىڭ پرەزيدەنتى, مەدياسىنشى, PhD ەليرا تۋردۋباەۆانىڭ ايتۋىنشا, ورتالىق ازيادا كۇن سايىن وزگەرىپ وتىرعان بۇقارالىق اقپارات قۇرالدارى, جۋرناليستيكا جانە بۇقارالىق-تسيفرلى كوممۋنيكاتسيا تۋرالى زەرتتەۋلەر مەن عىلىمي ماقالالار تاپشى. فورۋم بارىسىندا ە.تۋردۋباەۆا مەن جاڭا زەلاندياداعى وكلەند ۋنيۆەرسيتەتىنىڭ پروفەسسورى, PhD ەۆانگەليا پاپوۋتساكيدىڭ رەداكتورلىعىمەن اقش-تىڭ «Lexington Books» باسپاسىنان جارىققا شىققان «Mapping the Media and Communication Landscape of Central Asia An Anthology of Emerging and Contem­porary Issues» كىتابى تا­نىس­­تىرىلدى. اتالعان انتولو­گيانى ورتالىق ازياداعى زەرت­ت­ەۋ­شىلەر مەن جوعارى وقۋ ورىندا­رىنىڭ وقىتۋشىلارى پايدالانا الادى.

سونىمەن قاتار فورۋمدا ور­تالىق ازيا جۋرناليستيكا ۋني­ۆەرسيتەتتەرى قاۋىمداستىعى عالىمدارىنىڭ عىلىمي ەڭبەكتەرى اكادەميالىق قاۋىمعا تانىس­تىرىلدى. قازۇۋ جۋرناليستيكا فاكۋلتەتىنىڭ پروفەسسورى گۇلميرا سۇلتانباەۆا, عالىمدار ولگا لوجنيكوۆا مەن اناستاسيا گوربۋنوۆانىڭ اۆتورلىعىمەن جارىق كورگەن «ينفودەميا چەرەز پريزمۋ مەدياپروفيلاكتيكي» ۇجىمدىق مونوگرافياسى الەۋمەتتىك مەديا ءبىلىم بەرۋ سالاسىنداعى ينفودەميانىڭ الدىن الۋ ماسەلەلەرىنە قاتىستى زەرتتەۋلەردى قامتيدى.

مەديافورۋمدا ورتالىق ازيا ۋنيۆەرسيتەتتەرى جۋرناليس­تيكا قاۋىمداستىعىنىڭ قارارى قا­بىلداندى. الەمدەگى كۇردەلى گەوساياسي جاعدايدا ءوڭىردىڭ اكادە­ميالىق ىقپالىن ارتتىرۋدى كوزدەيتىن ديالوگ الاڭى ببۇ-نىڭ كوممۋنيكاتسيا سالاسىنداعى «عالامشار مۇددەسى, تەڭسىزدىك پەن جالعان اقپاراتپەن كۇرەس ءۇشىن جۇمىلۋ» باستاماسى اياسىندا قابىلدانعان قاراردى قابىلداۋمەن جالعاسىن تاۋىپ, ادامزات دامۋىنا كەدەرگى بولاتىن جالعان ءارى شيەلەنىس تۋعىزاتىن اقپارات كوزدەرىنە توسقاۋىلدىڭ ماڭىزدىلىعىن كۇن تارتىبىنە قويدى. وسى قۇجات نەگىزىندە «ورتالىق ازيا ەلدەرىندەگى جۋرناليستيكا زەرتتەۋلەرى: تۇراقتى دامۋ ماقساتتارىنداعى پروگرەسس» اتتى ءىV جۋرناليستيكا سەمينارىن تاشكەنتتە وتكىزۋ جوسپارلاندى.

الماتى