الماتىداعى ارباتتا وتەتىن ءداستۇرلى قولونەرشىلەر كورمەسىنىڭ اياسى جىلدان-جىلعا كەڭەيىپ كەلەدى. سوڭعى 25 جىلدا جىبەك جولىنىڭ بويىندا جارمەڭكەنىڭ كورىگى قىزىپ, الماتى قولونەرشىلەر پالاتاسى وسى يگى شارانى جاقسارتۋ مەن شەبەرلەردىڭ تابىس تابۋىنا قولايلى جاعداي قاراستىرىپ وتىر.
بۇل جولى دا كورمە الاڭى وتاندىق قولونەرشىلەرمەن قاتار وزبەكستان, قىرعىزستان شەبەرلەرىنىڭ بۇيىمدارىمەن تولىقتى. كوشە بويىن القىزىل كوركەم تۋىندىلار الاڭىنا اينالدىرعان شەبەرلەر كەلۋشىلەردى شىعىس جاۋھارىنا اينالعان قۇندى جادىگەرلەردىڭ تاريحىمەن, جاسالۋ ادىستەرىمەن تانىستىرىپ, قىزىقتى اقپارات بەرۋگە تىرىسادى.
كەيىنگى جىلدارى تۇتىنۋشىلار تاراپىنان جوعارى سۇرانىسقا يە بولا باستاعان قولونەر بۇيىمدارىن شەتەل نارىعىنا شىعارۋدىڭ مەنەدجمەنتى جاسالىپ, سالا جاناشىرلارى اتا-بابا كاسىبىن زاماناۋيلاندىرۋ, تابىس كوزىنە اينالدىرۋ تەتىكتەرىن قاراستىرىپ وتىر. وسى ورايدا جاقىندا دۋبايدا وتكەن «Ready4Trade ورتالىق ازيا» جوباسى وسى باعىتتا جاسالعان ءىس-شارالاردىڭ ءبىرى رەتىندە بەلگىلى. كونفەرەنتسيا الاڭىندا ورتالىق ازياداعى ەلەكتروندى كوممەرتسيانى دامىتۋ ماسەلەسى تالقىلانىپ, وتاندىق قولونەرشىلەردىڭ NOVICA حابىنا قوسىلۋ مۇمكىندىكتەرى قاراستىرىلعان بولاتىن. بۇل وتاندىق شەبەرلەردىڭ حالىقارالىق ساۋدا كەڭىستىگىنە شىعۋىمەن قاتار, ساۋدا الاڭدارىن كەڭەيتۋگە, ورتالىق ازياداعى ينكليۋزيۆتى ەكونوميكانى دامىتۋعا مۇمكىندىك بەرەتىن بولادى.
الماتى