بەسىنشى بۋىننىڭ بەلەسى

Astana Hub-تىڭ باسقارۋشى ديرەكتورى اباي ابسامەتتىڭ ايتۋىنشا, 5G تەحنولوگياسىنىڭ ءتيىمدى تۇسى كوپ. ونىڭ بيزنەسكە دە, بۇقاراعا دا بەرەرى مول. سەبە­بى جاڭا تەحنولوگيا تسيفرلىق شە­­شىم­دەردىڭ تيىمدىلىگىن ارتتىرادى.

– حالىقارالىق تەحنوپارك ەلدەگى 5G ەكوجۇيەسىنىڭ دا­مۋى­نا ەرەكشە نازار اۋدارىپ وتىر. ويت­كەنى بۇل پەرسپەكتيۆا­لى با­عىت سانالادى. Astana Hub بىل­تىردان باستاپ ناقتى ءىس-شارا­لاردى قا­بىلداي باستادى. ماسەلەن, تەحنو­پاركتىڭ اۋماعىندا 5G تول­­قىن­دارىن ۇسىناتىن ستانسا جۇمىس ىستەيدى. بىلتىر ينكۋ­با­تسيا­لىق باعدارلامانى ىسكە قوس­تىق. وسىنىڭ ناتيجەسىندە اتال­عان تەحنولوگيا بويىنشا ون شاقتى بيزنەس-كەيس سىناقتان ءوتتى. سونىمەن قاتار ءبىز كورپوراتسيا­لاردى 5G-گە كوشۋگە ۇندەپ كەلە­مىز. بيىل ەلىمىزدىڭ ءۇش ۇلكەن قالاسى اتالعان تەحنولوگيامەن قامتىلادى, – دەدى اباي ابسامەت.

Tele2/Altel باس ديرەكتورى سەرگەي كونكوۆتىڭ پىكىرىنشە, كومپانيا دا, كوپشىلىك تە جاڭا ەكو­جۇيەنىڭ جەمىسىن كورۋگە ءازىر. سون­­دىقتان بۇل باعىتتاعى جۇ­مىس­تار ودان ءارى جاندانىپ كەلەدى.

– بىزگە تەحنولوگيانى ىسكە قوسۋ قۇقىعىن, جيىلىك رەسۋرسىن الۋ, جەلىنى ورنالاستىرۋ مىندەتى جۇك­تەلدى. كەلەسى بەس جىلعا لي­تسەن­زيالىق مىندەتتەمەلەر الدىق. الداعى بەس جىلدا شامامەن 3,5 مىڭ بازالىق ستانسا سالۋىمىز كەرەك. بۇل ءوز كەزەگىندە 5G تەحنولوگياسىن پايدالاناتىنداردىڭ 80 پايىزدان استامىن قامتيدى. وسى ورايدا 5G تەحنولوگياسىنىڭ العاشقى سەكتورلارى استانا, الماتى جانە شىمكەنت قالا­لارىندا ىسكە قوسىلعانىن اتاپ وتكەن ءجون. العاشقى بازالىق ستان­سا استاناداعى ەكسپو اۋما­عىندا ورناتىلدى. دەگەنمەن ول ەكسپو اۋماعىن تۇگەل قام­تىمايدى. الداعى بىرنەشە ايدا ەلوردادا جانە باسقا قا­لالاردا قامتۋ ايتارلىقتاي كەڭەيەدى, – دەدى سەرگەي كونكوۆ.

ەسكە سالا كەتەيىك, 2022 جىلعى جەلتوقساندا ەلىمىزدە 5G جيىلىك­تەرىن تاراتۋ بويىنشا اۋكتسيون ءوتتى. العاشقى تەندەردە جيىلىك 62,6 ملرد تەڭگەگە, ەكىنشىسىندە 93,4 ملرد تەڭ­گەگە ساتىلدى. «كسەلل» اك­تسيونەرلىك قوعامى مەن «Tەلە 2» جانە «التەل» برەندتە­رىمەن تانىمال «موبايل تەلەكوم سەر­ۆيس» جشس كونسورتسيۋمى اۋكتسيوندا جەڭىمپاز دەپ تانىل­دى. تسيفرلىق دامۋ, يننوۆاتسيا جانە اەروعارىش ونەركاسىبى ۆيتسە-ءمينيسترى اسحات ورازبەكتىڭ اي­تۋىنشا, بيىل دا اۋكتسيون وتكىزىلەدى. وندا بىرنەشە لوكاتسيانى قامتۋ مىندەتتەمەسى بار.

– 5G-ءدىڭ قازىرگى نۇسقاسى بۇكىل ەلدى مەكەندى تولىقتاي قامتۋعا مۇمكىندىك بەرمەيدى. سوندىقتان بۇگىندە وپەراتورلارمەن لوكاتسيا بويىنشا جۇمىس ىستەپ جاتىرمىز. مينيسترلىكتىڭ 5G جەلىسىن ەنگىزۋ بويىنشا ناقتى ۇستانىمى بار. بۇل جۇمىستى ۆەدومستۆو تەلەكوممۋنيكاتسيا وپەراتورلارىمەن بىرگە اتقارادى. مەنىڭشە, الداعى ەكى جىلدىڭ ىشىندە تۇر­عىندار ەل اۋماعىندا 5G جەلى­سىنىڭ قول­جەتىمدىلىگىن سەزە باس­تايدى, – دەدى اسحات ورازبەك.

ايتپاقشى, «قازاقتەلەكوم» اكتسيونەرلىك قوعامىنىڭ ەنشىلەس كومپانيالارى 2027 جىلعا دەيىن ەل بويىنشا 7 مىڭنان اسا بازا­لىق ستانسا سالۋعا ءتيىس. بيىل اس­­تانا, الماتى جانە شىمكەنت قالا­لارىندا وسىنداي 486 ستانسا پاي­دالانۋعا بەرىلەدى.

Finprom.kz-ءتىڭ مالىمەتىنشە, 2022 جىلدىڭ سوڭىنا قاراي الەمدە 1,2 ملرد 5G ابونەنتى تىركەل­گەن. بۇل ءبىر جىل بۇرىنعى كور­سەتكىشتەن 530 ملن-عا كوپ. سون­دا جىلدىق ءوسىم 85,9 پايىزدى قۇراپ وتىر. قازىرگى ۋاقىت­تا 5G ابونەنتتەرى بارلىق عالام­دىق ۇيالى بايلانىس جازىلىم­دارىنىڭ 10,7 پايىزىن قۇراي­دى. 2023 جىلدىڭ سوڭىنا قا­راي كور­سەتكىش 16 پايىزعا نە­مەسە 1,8 ملرد جازىلۋشىعا دەيىن وسەدى دەگەن بولجام بار. سونى­مەن قاتار 2022-2026 جىلدار ارا­لىعىندا 5G جەلىسىن ۇستايتىن سمارت­فونداردىڭ ۇلەسى 75,4 پا­يىزعا جەتۋى مۇمكىن.

5G – الدىڭعى بۋىن جەلىلەرىنە قاراعاندا جىلدامىراق جۇكتەپ الۋ جانە جۇكتەپ سالۋ, تۇراقتى قوسىلۋ مۇمكىندىگىن ءارى جوعارى سىيىم­دىلىقتى قامتاماسىز ەتە­تىن سىمسىز ۇيالى بايلانىس تەح­نو­لوگياسىنىڭ بەسىنشى بۋىنى. قازىر­گى تانىمال 4G جەلىلەرىنە قاراعاندا الدەقايدا جىلدام ءارى سەنىمدى. 5G قولدانبالار, الەۋ­­مەتتىك جەلىلەر جانە اقپارات ءۇشىن ين­تەرنەت قولدانىسىنا توڭ­­كە­رىس جاساي الادى دەگەن بولجام بار.

2023 جىلدىڭ ناۋرىز ايىنا دەيىن الەمنىڭ 155 ەلىندەگى 523 وپەراتور سىناق جاساۋ, قا­نات­قاقتى جوبا, ليتسەنزيانى سا­تىپ الۋ, جوسپارلانعان جانە ناق­­تى ورنالاستىرۋ ارقىلى 5G جەلىلەرىنە ينۆەستيتسيا سالعان. ونىڭ ىشىندە 97 ەلدەگى 249 وپەراتور 5G جەلى­لەرىن كوممەرتسيا­لاندىرىپ جاتىر. 115 وپەراتور اۆتونومدى 5G جە­لىلەرىنە (باعالاۋ, تەستىلەۋ, سى­ناق­تان وت­كىزۋ, جوسپار­لاۋ, ەن­گىزۋ) ين­ۆەس­تي­تسيا قۇيۋشى رەتىندە انىق­تالدى.

2021 جىلى ۇيالى بايلانىس وپەراتورلارى 5G جيىلىگى اۋكتسيوندارىندا 130 ملرد دوللاردان اسا اقشا تولەگەن. وسى جىلدىڭ سوڭىنا قاراي تاعى 28 ەل 5G سپەكترىن تاراتۋدى جوسپارلاپ وتىر. قازاقستاندا 5G جەلىسىن كوم­مەرتسيالىق پايدالانۋعا ەن­گىزۋ بويىنشا ناقتى قادامدار جا­سالعانىن جوعارىدا ايتتىق.

«Kcell ءموبيلدى وپەراتورى قولدا بار جيىلىك دياپازونىمەن-اق العاش بولىپ الماتى مەن شىم­كەنتتە 5G بازالىق ستانساسىن ىسكە قوسقانىن بىلەمىز. ءبىر اپتادا اتالعان ەكى قالادا بەسىنشى بۋىن جەلىسىنىڭ 12 بازالىق ستانساسى ىسكە قوسىلدى. وپەراتوردىڭ الماتىداعى ابونەنتتەرى 5G ارتىقشىلىقتارىن جىبەك جولى داڭ­عىلىنداعى «پاسساج» ساۋدا ور­تالىعى جانىندا جانە پان­­فيلوۆ كوشەسىندەگى «تسەنتركرەديت بانكى» بولىمشەسى جا­نىندا بايقاپ كورە الادى. شىم­كەنتتە ءبىر اپتادا 10 5G ستانساسى ىسكە قوسىلدى. سونىمەن قاتار قازاقستاندا اۋكتسيون وتكىزگەنگە دەيىن ءبىر جىلدان بەرى تۇركىستاندا تۇتاس قالانى قام­تيتىن Kcell سالعان ءىرى 5G جەلىسى ىستەپ تۇردى. سوندىقتان اتال­­عان وپەراتوردىڭ بۇل سالادا بىلىكتىلىگى مەن تاجىريبەسى جەتكىلىكتى. سونداي-اق Kcell سمارت­فونى مەن 5G قوسىلعان SIM كارتاسى بار ابونەنتتەر جەلىگە قوسىلىپ, ونى تەگىن پايدالانۋعا بولاتىنىن, ترافيك اقىسى الىنبايتىنىن حابارلاعانى ەسىمىزدە. بيىل كومپانيا الماتى, استانا جانە شىمكەنت قالالارىندا 400-گە جۋىق 5G بازالىق ستانساسىن سالۋدى جوسپارلاپ وتىر. ال 2027 جىلعا قاراي رەسپۋبليكالىق ماڭىزى بار قالالاردىڭ 75 پا­يىز­ى, وبلىس ورتالىقتارىنىڭ 60 پا­يىزى سوڭعى بۋىن جەلىسىمەن قام­­تى­لادى», دەپ حابارلادى Finprom.kz.

5G قازىرگى الەمدە رەۆوليۋ­تسيالىق تەحنولوگيا بولىپ سانالادى. حالىقارالىق زەرتتەۋلەر بەسىنشى بۋىن جەلىلەرىنىڭ بارلىق سالاداعى جاعدايدى جاقسى جاققا قاراي وزگەرتەتىنىن راستاپ وتىر. ماسەلەن, وسىنىڭ ناتيجەسىندە «اقىلدى قالالار», «اقىلدى ۇيلەر» پايدا بولىپ, ونەركاسىپتى اۆ­توماتتاندىرۋ جاڭا دەيگەيگە كوتەرىلەدى.