«قازگيدرومەت» رمك سينوپتيكتەرى 9 ساۋىرگە ارنالعان اۋا رايى بولجامىن ۇسىندى. سينوپتيكتەردىڭ بولجامى بويىنشا, قازاقستاندا اۋا رايىنىڭ تۇراقسىز سيپاتى ساقتالىپ, قاتتى جەل جانە جاۋىن-شاشىن كۇتىلەدى, دەپ حابارلايدى Egemen.kz.
قازاقستان تەرريتورياسى بويىنشا اۋا رايىنىڭ سينوپتيكالىق احۋالى مەن قاۋىپتى قۇبىلىستارىنىڭ 9 ساۋىرگە ارنالعان بولجامى:
رەسپۋبليكا اۋماعىنىڭ باسىم بولىگى اتموسفەرالىق فرونتالدى بولىكتەردىڭ ىقپالىندا بولادى, وسىعان بايلانىستى تۇراقسىز اۋا رايىنىڭ سيپاتى كۇتىلەدى, ەلىمىزدىڭ وڭتۇستىك-باتىسىندا, شىعىسىندا, قازاقستاننىڭ وڭتۇستىك-شىعىسىنداعى تاۋلى اۋدانداردا جاڭبىر مەن قار ارالاس جاۋىن-شاشىن بولادى, وڭتۇستىك-شىعىس ءوڭىردىڭ تاۋلى اۋداندارىندا كەيدە قاتتى جاۋىن-شاشىن جاۋادى. ەلىمىزدىڭ تەك سولتۇستىگى, سولتۇستىك-باتىسىندا جانە ورتالىعىندا جاۋىن-شاشىنسىز اۋا رايى كۇتىلەدى. رەسپۋبليكامىز بويىنشا قاتتى جەل تۇرادى دەپ بولجانادى, ەلىمىزدىڭ سولتۇستىگىندە, شىعىسىندا – تۇمان, وڭتۇستىگىندە, وڭتۇستىك-باتىسىندا, وڭتۇستىك-شىعىسىندا نايزاعاي وينايدى.
الماتى وبلىسىنىڭ تاۋلى اۋداندارى مەن تاۋ بوكتەرىندە, جەتىسۋ وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر, قار) بولادى, تۇندە ورتالىقتا, كۇندىز ماڭعىستاۋ وبلىسىنىڭ وڭتۇستىگىندە قاتتى جاڭبىر جاۋادى دەپ بولجانادى.
تۇندە ەلىمىزدىڭ سولتۇستىگىندە, جەتىسۋ وبلىسىنىڭ تاۋلى اۋداندارىندا سىناپ باعانى 2 گرادۋسقا دەيىن تومەندەپ, ۇسىك جۇرەدى.