سۇيىتىلعان گاز قىمباتتايدى

«قازاقستاندىق وتىن قاۋىمداستىعىنىڭ جانە نارىق سۋبەكتىلەرىنىڭ كولىك قىزمەتتەرىنە (كولىك-ەكس­پەديتورلىق قىزمەتتەر, ۆاگونداردى بەرۋ جانە جيناۋ جونىندەگى قىزمەتتەر) شى­عىنداردىڭ ۇلعايۋىنا, سمگ-نى بىرقاتار وبلىستا وتكىزۋ كەزىندە شەكتى باعالا­دى كوتەرۋ قاجەتتىلىگى تۋرالى (5-تەن 10 تەڭگە شەگىندە) وتىنىشتەرىن ەسكەرە وتىرىپ, كولىك قىزمەتتەرىنە (كولىك-ەكسپەديتورلىق قىزمەتتەر, ۆاگونداردى بەرۋ جانە جيناۋ جونىندەگى قىزمەتتەر) اۆتوموبيلگە گاز قۇيۋ ستانسالارى مەن گاز جيناقتاۋ پۋنكت­تەرىن, جالاقى قورىن, بوگدە ۇيىمداردىڭ قىزمەتتەرىن ۇستاۋ جانە ولارعا قىزمەت كورسەتۋ, «قتج-جۇك تاسىمالى» ماگيسترالدىق تەمىر جولدارى بويىنشا جۇك­تەر­دى تاسىمالداۋعا ارنال­عان تاريفتەر سمگ-داعى بەلگىلەنگەن باعالاردى بۇرىن­عى دەڭگەيدە ساقتاي وتى­رىپ, سمگ-نى وتكىزۋدى شەك­تەۋ جانە ونىڭ تاپ­شى­لىعى تاۋەكەلدەرى تۋىندايدى», دەلىنگەن قاۋلىدا.

وسىعان بايلانىستى شىعىس قازاقستان وبلىسىندا, اباي وبلىسىندا, الماتى وبلىسىندا, سولتۇستىك قازاق­ستان وبلىسىندا جانە الماتى قالاسىندا سمگ-نى بولشەك ساۋدادا ساتۋ باعاسىن وزگەر­تۋ ۇسىنىلادى. ناقتىلاپ ايتقاندا, سۇيىتىلعان مۇناي گازىنىڭ باعاسى الماتىدا – ليترىنە 65-تەن 75 تەڭگەگە, الماتى وبلىسىندا 70-تەن 75 تەڭگەگە, شىعىس قازاقستان وبلىسىندا – 60-تان 70 تەڭگەگە, سولتۇستىك قازاقستان وبلىسىندا 70-تەن 75 تەڭگەگە جانە اباي وبلىسىندا 60-تان 65 تەڭگەگە كوتەرىلمەك.

سونداي-اق وسى وڭىرلەردەگى شالعاي اۋداندارداعى باعا­لار دا وسەدى. ەلىمىزدىڭ وزگە ايماقتارىنداعى سمگ-نىڭ بولشەك باعاسى وزگەرىسسىز قالدى. بۇيرىق جوباسى 17 ساۋىرگە دەيىن قوعامدىق تالقىلاۋعا ۇسىنىلادى.

«مەملەكەت باسشىسىنىڭ 2022 جىلعى 5 قاڭتارداعى تاپسىرماسى بويىنشا قازاقستان رەسپۋبليكاسى كاسىپكەر­لىك كودەكسىنىڭ 119-بابىنا ساي­كەس اگەنتتىك توراعاسىنىڭ مىندەتىن اتقارۋشىسىنىڭ 2022 جىلعى 5 قاڭتارداعى №1 بۇيرىعىمەن اۆتوگاز قۇيۋ ستانسالارىنان سۇيىتىلعان مۇناي گازىن (بۇدان ءارى – سمگ) بولشەك ساۋدادا وتكىزۋگە ايماققا بايلانىستى ليترىنە 50-دەن 70 تەڭگەگە دەيىنگى شەكتى باعالاردى بەلگىلەي وتىرىپ, ۋاقىتشا مەملەكەتتىك باعا رەتتەۋ ەنگىزىلدى. بۇدان ءارى اگەنتتىكتىڭ 2022 جىلعى 5 شىلدەدەگى № 16 جانە 2022 جىلعى 27 جەلتوقسانداعى №20 بۇيرىقتارىمەن وسى شەكتى باعالار 2023 جىلعى 30 ماۋسىمعا دەيىن ۇزارتىلدى», دەلىنەدى قاۋلى ماتىنىندە.

ىشكى نارىقتا سۇيىتىلعان مۇناي گازىن نەگىزگى تۇتىنۋ­دىڭ 60%-دان استامى اۆتوكو­لىككە تيەسىلى. 2019 جىلدان باس­تاپ سۇيىتىلعان گازعا اۋىس­تىرىل­عان اۆتوكولىك سانى 2021 ج­ىلعا قاراي 2,2 ەسە ءوسىپ, 310 مىڭ­نان استام بىرلىككە جەتتى.

2021 جىلى 3,17 ملن توننا سۇيىتىلعان مۇناي گازى ون­دىرىلسە, 2022 جىل بۇل كور­سەت­كىش 2,82 ملن توننانى قۇرا­دى. بيىل 2,86 ملن توننا كولە­مىندە سمگ وندىرىلۋگە ءتيىس.