4 ساۋىردە باتىس قازاقستان وبلىسىنىڭ اقساي قالاسىندا جۇك كولىگىن تىزگىندەگەن ءجاسوسپىرىم اكەسىن قاعىپ ءولتىردى, دەپ حابارلايدى Egemen.kz.
پوليتسەيلەر ناقتىلاعانداي, جەرگىلىكتى تۇرعىن ءوز ءۇيىنىڭ اۋلاسىندا «گاز-ساز-35071» اۆتوكولىگىن جوندەپ جاتقان.
ەر ادام جۇك كولىگىنىڭ استىنا كىرىپ, 2009 جىلى تۋعان ۇلىنا رولگە وتىرىپ, تەجەگىش پەدالىن باسۋدى سۇراعان.
«وسى كەزدە رەدۋكتورى قوسىلعان كولىك العا شىعىپ, ەر ادامدى باسىپ كەتتى. بالانىڭ اكەسى اۋرۋحانانىڭ جانساقتاۋ بولىمىندە كوز جۇمدى», دەلىنگەن وبلىستىق پد ءباسپاسوز قىزمەتى تاراتقان حابارلامادا.
اتالعان فاكت قر قىلمىستىق كودەكسىنىڭ 345-بابى, 3-بولىگى بويىنشا تىركەلدى.