اقمولا وبلىسىنىڭ تۇرعىنى ءشول دالادان 9 مينا مەن 5 گراناتا تاۋىپ الدى, دەپ حابارلايدى Egemen.kz.
ىشكى ىستەر مينيسترلىگىنىڭ ءباسپاسوز قىزمەتىنىڭ مالىمەتىنشە, جارقايىڭ اۋدانى تاستى-تالدى اۋىلىنىڭ تۇرعىنى جارىلعىش زاتتاردى 4 ساۋىردە تاپقان. ايتۋىنشا, ول قارا مەتالدى جيناۋ كەزىندە ارنايى قۇرىلعىنىڭ كومەگىمەن شامامەن 50 سانتيمەتر تەرەڭدىكتەن الىپ شىققان. وقيعا تۋرالى ەر ادام بىردەن پوليتسياعا حابارلاعان.
جەدەل-تەرگەۋ توبى مەن ساپەر ماماندارى دەرەۋ جولعا شىقتى. تابىلعان جارىلعىش زاتتار, اتاپ ايتقاندا, تانككە قارسى 3 مينا, جاياۋ اسكەرگە قارسى 6 مينا, F-1 جانە rid-5 مودەلدى 5 گراناتا تەكسەرىلىپ, ولاردىڭ وقۋ-جاتتىعۋلىق ەكەنى جانە ومىرگە قاۋىپ توندىرمەيتىنى تۋرالى قورىتىندى شىعارىلدى.