ۇزدىك سەگىز ۋنيۆەرسيتەت

وتاندىق جوعارى وقۋ ورىن­دا­رىنىڭ جۇزدىكتەر كەرۋەنىنە قاتى­سۋى بيىل جوعارى كورسەتكىشتەرمەن ەرەك­شەلەندى. حالىقارالىق ءبىلىم بەرۋ­ كەڭىس­­تىگىندە ءوز ىقپالىن ارت­تىرۋ ماقساتىندا ءبىلىم بەرۋ­ باعدارلامالارىنىڭ سانى توعىز­عا,­ ال رەيتينگتەگى جوعارى وقۋ ورىن­­­دارىنىڭ سانى سەگىزگە جەتتى.

ل.ن.گۋميلەۆ اتىنداعى ەۋرازيا ۇلت­­­تىق ۋنيۆەرسيتەتى, Satbayev University, ءال-فارابي اتىنداعى قازاق ۇلتتىق ۋنيۆەرسيتەتى, اباي اتىنداعى قازاق ۇلتتىق پەدا­گو­گي­كالىق ۋنيۆەرسيتەتى, ابىلايحان­ اتىنداعى قازاق حالىقارالىق قاتى­ناستار جانە الەم تىلدەرى ۋني­ۆەرسيتەتى, Suleyman Demirel University, قوجا احمەت ياساۋي اتىن­داعى حالىقارالىق قازاق-تۇرىك­ ۋنيۆەرسيتەتى, قازاق ۇلتتىق اگرار­لىق زەرتتەۋ ۋنيۆەرسيتەتى بەس­ ءپاندى قامتيتىن سالالىق رەي­­تينگتەرگە قاتىستى. وسى وراي­­دا ونەر جانە گۋمانيتارلىق ع­ى­لىم­­دار, ينجەنەرلىك عىلىمدار مەن­­ تەحنولوگيالار, ءومىر تۋرالى عى­لىم­دار جانە مەديتسينا, جاراتى­لىس­تانۋ عىلىمدارى, قوعامدىق عى­­­­لىم­دار جانە مەنەدجمەنتتە­ رەي­­­تينگتىك كورسەتكىشكە قول جەت­كىز­دى.

«QS» ايماقتىق ديرەكتورى سەرگەي حريستوليۋبوۆ: «الەمنىڭ ۇز­دىك ۋنيۆەرسيتەتتەرىنىڭ پاندىك رەي­تينگتەرىندەگى وتاندىق جو­عا­رى وقۋ ورىندارىنىڭ سانى­ سەگىزگە جەتتى. بۇل ءۇش جىل بۇ­رىن­­عى كورسەتكىشتەن ءتورت ەسە كوپ.­ جاڭا پاندىك ناتيجەلەر قا­­زاق­­ستاننىڭ قازىرگى عىلىمي كۇن­­ تارتىبىندەگى جوعارى وقۋ ورىن­دا­رىنىڭ رەيتينگتەرىن ىلگەرىلەتۋ مۇمكىندىگىن كورسەتەدى», دەدى.

ءال-فارابي اتىنداعى قازاق ۇلت­تىق ۋنيۆەرسيتەتى وتاندىق جانە­ ورتالىق ازيانىڭ جوعارى وقۋ­ ورىندارى اراسىندا دايىن­دىق­ بويىنشا 14 باعىتتا جانە بەس­ پاندىك سالانىڭ تورتەۋى بويىن­شا ناقتى ناتيجەلەرگە قول جەت­كى­زىپ وتىر. بيىل ۋنيۆەرسيتەت «گەوگرافيا» باعىتى بويىنشا­ العاش رەت 151-200 پوزي­تسيا­نى­ يەلەنىپ, الەمدەگى ەڭ ۇزدىك 200­ ۋنيۆەرسيتەتتىڭ, سونداي-اق «فيلو­سوفيا» باعىتى بويىنشا­ ۇزدىك 150 ۋنيۆەرسيتەتتىڭ قاتارىنا ەنىپ وتىر. ۇلتتىق ۋنيۆەرسيتەتتىڭ 542 ءبىلىم بەرۋ باعدارلاماسىنىڭ 25 پايىزى «QS by Subject» رەيتينگىنە ەنىپ, سالىستىرما­لى كەزەڭدە 4 پايىزعا ارتتى. «ارحەولوگيا», «اعىلشىن ءتىلى­ مەن ادەبيەتى» – 151-200, «ماتە­ما­تيكا» – 251-300, «فيزيكا جانە استرونوميا» – 451-500, «حيميا» – 501-550 باعىتىندا وت­كەن جىلعى ورنىن­ ساقتاپ قال­دى.­ ۋنيۆەرسيتەت عالىمدارى جاريا­لانىمدىق بەلسەندىلىگىن ساق­تاي وتىرىپ, 500-دەن استام جە­تەكشى شەتەلدىك جوعارى وقۋ ورنى­مەن ىنتىماقتاستىعىن جال­عاس­تىرۋمەن قاتار زەرتتەۋ ۋني­ۆەرسيتەتى مارتەبەسىن نىعايتا ءتۇسۋ­دى كوزدەيدى.

اتالعان رەيتينگتە­ قا­زاق­­ ۇلتتىق اگرارلىق زەرت­تەۋ­­­­­ ۋنيۆەرسيتەتى «اۋىل شا­­­رۋا­­شىلىعى جانە ورمان رە­­­سۋرس­تارى» (Agriculture and Forestry) باعىتى بويىنشا 401-دەن­ – 301-350-گە دەيىنگى تۇعىرعا كو­­تە­رىلدى. ۋنيۆەرسيتەتتىڭ «QS by Subject» رەيتينگىندەگى كور­سەت­كىشى اتالعان وقۋ ورنىنىڭ وتان­دىق جانە الەمدىك وزىق عىلى­مي ۇيىمدارىمەن جانە الە­ۋ­ەتتى جۇمىس بەرۋشىلەرمەن ىن­تى­ماقتاستىعىنىڭ جوعارى ەكەنىن كورسەتەدى.

«QS by Subject» رەيتينگى ۋني­ۆەر­سيتەتتەردىڭ اكادەميالىق بە­دەلىن باعالايتىن بەس يندي­كا­توردا تۇلەكتەر تۋرالى جۇ­مىس­ بەرۋشىلەردىڭ پىكىرلەرى, پرو­فەس­سور-وقىتۋشىلار قۇرامىنىڭ عى­لىمي ماقالالارىنا سىلتەمە جا­ساۋ, حيرش يندەكسى جانە ۋني­ۆەرسيتەتتىڭ الەمگە ايگىلى ۇيىم­دار­مەن حالىقارالىق زەرتتەۋ باي­لانىستارى نەگىزگە الىنادى. وسى­ ناتيجەلەرگە قاراپ, ەلىمىزدىڭ زەرت­تەۋ ۋنيۆەرسيتەتى مارتەبەسى بار­ جوعارى وقۋ ورىندارىنىڭ كور­سەتكىشتەرى الداعى ۋاقىتتا دا رەي­تينگ ساپاسىنا اسەر ەتەتىنىن كور­سەتەدى.