قىرعىزستاننىڭ وش قالاسىنداعى مەكتەپتەردىڭ بىرىندە وقۋشىلار ۋلانىپ قالدى, دەپ حابارلايدى Egemen.kz.
جەرگىلىكتى اۋرۋحانا دارىگەرلەرىنىڭ ايتۋىنشا, ۋلانعان كۇنى 44 مەكتەپ وقۋشىسى اۋرۋحاناعا تۇسكەن. كەيبىرەۋلەرى ەس-ءتۇسسىز كۇيدە اكەلىنگەن.
«بالالاردىڭ كوبى 30 ناۋرىزدا ۇيىنە شىعارىلدى. باستاپقىدا جانساقتاۋ بولىمىنە جاتقىزىلعاندار جالپى پالاتالارعا اۋىستىرىلدى. 14 بالا ءالى اۋرۋحانادا جاتىر», دەپ حابارلادى وش قالالىق اۋرۋحاناسىنىڭ دارىگەرى تامىرلان ابدىقادىروۆ.
اۋرۋحاناعا تۇسكەن بالالاردىڭ بارلىعىنا بىردەي «بەلگىسىز زاتتان ۋلانۋ» دياگنوزى قويىلدى. الدىن الا مالىمەت بويىنشا, 8-سىنىپ وقۋشىسى ءبىرىنشى ساباقتان كەيىن ءوزى اكەلگەن فلاكوننان كابينەتكە ءيىسسۋ سەبە باستاعان. وقۋشىنىڭ ارەكەتى بەينەباقىلاۋ كامەراسىنا ءتۇسىپ قالعان.
وقۋشى بوتەلكەدەگى ءونىمدى بەس مينۋتتاي شاشقان. سوسىن سىنىپتىڭ تەرەزەلەرى مەن ەسىكتەرىن جاۋىپ تاستاعان. بىراق سوعان قاراماستان ءيىس دالىزگە تاراعان. سالدارىنان بىرنەشە وقۋشى زارداپ شەككەن. ۋلانۋ اتىردەن بولعانىن جابىرلەنۋشىلەردىڭ ءوزى دە راستادى. جاپپاي ۋلانۋ فاكتىسى پوليتسياعا تىركەلىپ, ساراپتامالار تاعايىندالدى. بىلىكتىلىك كۋاگەرلەرمەن اڭگىمەلەسۋ ناتيجەسىن العاننان كەيىن جانە قۇتىداعى زاتتى زەرتتەگەننەن كەيىن بەرىلەدى.