«NorKaz» ۇيىمى مەن قازاقستان رەسپۋبليكاسىنىڭ نورۆەگياداعى ەلشىلىگى ناۋرىز مەيرامىن اتاپ ءوتتى, دەپ حابارلايدى Egemen.kz.
ءىس-شارا بارىسىندا وتكەن مادەني باعدارلاما قازاقستاندىق مۋزىكالىق شىعارمالار مەن بيلەردى, قازاق حالقىنىڭ سالت-داستۇرلەرى مەن ىرىمدارى تۋرالى ۆيكتورينالاردى, سونداي-اق سپورت ويىندارى جانە ت.ب. قامتىدى. سونىمەن قاتار قاتىسۋشىلارعا قازاق ۇلتتىق تاعامدارى, ونىڭ ىشىندە ناۋرىز كوجە ۇسىنىلدى.
ءىس-شارا بارىسىندا ەلشى ءادىل تۇرسىنوۆ جانە «NorKaz» ۇيىمىنىڭ جەتەكشىلەرى باعىتجان كاليەۆ پەن لايلا مۋكۋشەۆا ءسوز سويلەدى.
نورۆەگيانىڭ «مۇناي استاناسى» اتانعان ستاۆانگەر قالاسىندا شامامەن 100-گە جۋىق وتانداس تۇرادى. ولاردىڭ باسىم بولىگى مۇناي-گاز سالاسىنداعى كومپانيالاردا جۇمىس ىستەيدى.