سينوپتيكتەر 2023 جىلعى 25-27 ناۋرىزعا ارنالعان اۋا رايى بولجامىن ۇسىندى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
«جوعارى اتموسفەرالىق قىسىم القابىنىڭ اسەرىنەن ەلىمىزدىڭ كوپ بولىگىندە جاۋىن-شاشىن كۇتىلمەيدى, تەك جەكەلەگەن اۋدانداردا تۇندە ازداعان جاۋىن-شاشىن (جاڭبىر, قار), كۇندىز ازداعان جاڭبىر, جەلدىڭ كۇشەيۋى, 27 ناۋرىزدا ەلىمىزدىڭ وڭتۇستىك-شىعىسىندا جاڭبىر كۇتىلەدى, تاۋلى ايماقتاردا تۇمان بولادى», دەلىنگەن مامانداردىڭ بولجاۋىندا.
بۇل رەتتە, تەمپەراتۋرالىق فوندا ايتارلىقتاي اۋىتقۋلار كۇتىلمەيدى. رەسپۋبليكانىڭ باتىسىندا تەرمومەتر باعاندارى: كۇندىزگى ۋاقىتتا 12-26 جىلى, سولتۇستىك-باتىستا 5-20 جىلى, سولتۇستىكتە, شىعىستا جانە ورتالىقتا 2-15 جىلى, وڭتۇستىكتەجانە وڭتۇستىك-شىعىستا 13-25 جىلى, تاۋلى ايماقتاردا 8-13 جىلىعا جەتەدى.