قازاقستاننىڭ ەڭ ۇزدىك تەننيسشىسى ەلەنا رىباكينا ينديان-ۋەللستەگى (اقش) ءتۋرنيردىڭ فينالىنا شىققاننان كەيىن WTA رەيتينگىندە رەكوردتىق ساتىعا كوتەرىلدى, دەپ حابارلايدى Egemen.kz Sports.kz سايتىنا سىلتەمە جاساپ.
Live-رەيتينگ دەرەكتەرى بويىنشا رىباكينا 3370 ۇپاي جيناپ, الەمدىك رەيتينگ كەستەسىنىڭ سەگىزىنشى ساتىسىنا كوتەرىلدى. بۇل رەتتە ەلەنا فينالدا جەڭىسكە جەتسە, ودان دا جوعارى كوتەرىلۋى مۇمكىن.
ەسكە سالايىق, BNP Paribas Open-2023 ءتۋرنيرىنىڭ جارتىلاي فينالدىق كەزدەسۋىندە ەلەنا رىباكينا الەمنىڭ ءبىرىنشى راكەتكاسى پولشالىق يگا شۆەنتەكتەن ەكى سەتتە (6:2, 6:2) باسىم ءتۇستى. فينالدا ول الەمدىك رەيتينگتە ەكىنشى ورىندا تۇرعان بەلارۋس سپورتشىسى ارينا سوبولەنكومەن كەزدەسەدى.