تابيعات توسىن مىنەزىن تانىتتى. ۇلكەندىگى تاۋىقتىڭ جۇمىرتقاسىنداي بولاتىن بۇرشاق ءبورلى اۋدانىنىڭ بەرەزوۆكا اۋىلىنداعى 277 ءۇيدىڭ شاتىرىن قيراتىپ كەتكەن. 27 اۆتوكولىكتىڭ تەرەزەلەرى سىنىپ, شاناقتارى مايىسقان. باۋ-باقشا مەن ەگىس القاپتارى دا امان قالعان جوق. نوسەر جاڭبىردىڭ سوڭى بۇرشاققا ۇلاسىپ, 10 مينۋت بويى اسپاننان ديامەترى 4,5 سانتيمەترگە دەيىن جەتەتىن مۇز كەسەكتەرى جاۋعان.
اۋداندا قۇرىلعان ارنايى كوميسسيا كەشە توبەسى تەسىلگەن باسپانالاردىڭ ءتىزىمىن انىقتاپ ءبىتىردى. تابيعات اپاتىنان كەلگەن شىعىننىڭ مولشەرى قازىر ەسەپتەلۋدە. توتەنشە جاعدايدىڭ زاردابىن جويۋ جولدارىن سودان كەيىن بەلگىلەيمىز, دەيدى ءبورلى اۋداندىق اكىمدىگىنىڭ توتەنشە جاعدايلار جونىندەگى باس مامانى بولات تۋكۋپوۆ.
تەمىر قۇسايىن,
«ەگەمەن قازاقستان».
باتىس قازاقستان وبلىسى.