جىل باسىنان بەرى قازاقستاندا 23 547 اۆتوكولىك ساتىلعان, دەپ حابارلايدى Egemen.kz.
قازاقستاندىق اۆتوموبيل بيزنەسى قاۋىمداستىعىنىڭ دەرەكتەرى بويىنشا بيىل اۆتوموبيل نارىعىنداعى ساتىلىم قارقىندى ءوسىپ كەلەدى. لوگيستيكالىق ماسەلەلەر بىرتىندەپ شەشىلىپ جاتىر.
ەلدە اۆتوموبيل ءوندىرىسى وسۋدە. اسىرەسە, قىتايلىق كومپانيالار قازاقستانعا يمپورتتى ارتتىرعان. اقپان ايىندا رەسمي ديلەرلەر 12 405 جەڭىل جانە 710 جۇك كولىگى مەن اۆتوبۋستاردى ساتقان.
بيىلعى كورسەتكىش 2022 جىلدىڭ اقپانىمەن سالىستىرعاندا 69,1 پايىزعا جوعارى.