IBF نۇسقاسى بويىنشا ورتا سالماقتاعى چەمپيون, برازيليالىق بوكسشى ەسكيۆا فالكاو (30-0, 20 كو) WBO چەمپيونى تيتۋلىنىڭ يەگەرى, قازاقستاندىق بوكسشى جانىبەك ءالىمحان ۇلىن (13-0, 8 كو) جۇدىرىقتاسۋعا شاقىردى, دەپ حابارلايدى Egemen.kz.
ەسكيۆا فالكاو جاقىن ارادا رينگكە QAZAQ STYLE-مەن شىققىسى كەلەتىنىن ايتتى. ال بۇعان دەيىن ول اۆستراليا وكىلى مايكل زەرافامەن (31-4, 19 كو) IBF تۇجىرىمى بويىنشا الەم چەمپيونى اتاعى ءۇشىن جۇدىرىقتاسۋى ءتيىس ەدى.
بىراق مايكل زەرافا WBA چەمپيونى كۋبالىق ەريسلاندي لارامەن (29-3-3, 17 كو) جۇدىرىقتاسۋدى جوسپارلاپ وتىر.
وسى جاعدايعا بايلانىستى ەسكيۆا فالكاو شارشى الاڭعا شىعۋدىڭ ءبىر عانا جولىن تاپقان كورىنەدى.
ايتا كەتەيىك, IBF جانە WBA تۇجىرىمدارى بويىنشا الەم چەمپيونى بەلبەۋلەرى قازاقستاندىق گەننادي گولوۆكينگە (42-2-1, 37 كو) تيەسىلى بولدى. جاقىندا GGG ەسكيۆا فالكاو مەن ەريسلاند لاراعا قارسى جەكپە-جەكتە تيتۋلدارىن قورعاۋدان باس تارتقانى بەلگىلى بولدى.
ەندى قازاقستاندىق بوكسشى جانىبەك ءالىمحان ۇلىنىڭ جاۋابىن كۇتەمىز. ءبىراز ۋاقىت بۇرىن ەكى بوكسشى بىرلەسكەن جەكپە-جەك وتكىزۋدى قاراستىرىپ جاتقانى حابارلانعان ەدى, بىراق ماسەلە جالعاسىن تاپپادى.