ەلدىڭ باسىم بولىگىندە جاڭبىر مەن قار جاۋادى

«بۇگىن سولتۇستىك-باتىس تسيكلون جىراسى مەن اتموسفەرالىق فرونتتاردىڭ اسەرىنەن قازاقستاننىڭ باسىم بولىگىندە جاڭبىر مەن قار تۇرىندە جاۋىن-شاشىن جاۋادى. ەلدىڭ باتىسى مەن شىعىسىندا عانا جوعارى قىسىمدى ءورىستىڭ اسەرىنەن جاۋىن-شاشىنسىز اۋا رايى ساقتالادى», دەلىنگەن حابارلامادا.

رەسپۋبليكا بويىنشا تۇمان ءتۇسىپ, جەل كۇشەيەدى, ەلدىڭ سولتۇستىك بولىگىندە كوكتايعاق, جاياۋ بۇرقاسىن بولىپ, ەلدىڭ وڭتۇستىك-باتىسىندا, باتىسىندا شاڭدى داۋىل سوعادى.

استانادا اۋا رايى كوشپەلى بۇلتتى بولادى, وتكىنشى جاۋىن-شاشىن جاۋىپ, كوكتايعاق بولادى. تۇندە تۇمان تۇسەدى. اۋا تەمپەراتۋراسى تۇندە مينۋس 3-5, كۇندىز 0-2 گرادۋس اياز بولادى.

الماتىدا كوشپەلى بۇلت شىعادى, الايدا كۇن جاۋىن-شاشىنسىز وتەدى. وڭتۇستىك-شىعىستان 3-8 م/س جەل سوعادى. اۋا تەمپەراتۋراسى تۇندە 2-4, كۇندىز 15-17 گرادۋس جىلى بولادى.

شىمكەنتتە كوشپەلى بۇلت شىعادى, جاۋىن-شاشىن كۇتىلمەيدى. سولتۇستىك-شىعىستان 5-10 م/س جەل سوعادى. اۋا تەمپەراتۋراسى تۇندە 4-6, كۇندىز 15-17 گرادۋس جىلى بولادى.