حالىقتىڭ سەنىمى ماڭىزدى

پارتيا وكىلدەرى اممياك پەن اممياك سەليتراسىن ەكسپورتتاۋشى «قازازوت» كاسىپورنىنىڭ ۇجىمىمەن كەزدەستى. اقتاۋداعى ءىس-شارا­عا كاسىپورىننىڭ 100 قىزمەتكەرى قاتىستى. پار­تيا توراعاسى ايداربەك قوجانازاروۆ پارتيا مۇشە­لەرىنىڭ كوزدەگەنى – حالىق سەنىمى ەكەنىن, ماقسات – ازاماتتاردىڭ ءومىرىن جاقسارتۋ ءۇشىن ەلگە قىزمەت ەتۋ ەكەنىن باسا ايتتى.

«سوڭعى جىلدارى ەلىمىزدە ساياسي كوڭىل كۇي وزگەردى, ءبارىنىڭ قوياتىنى ءبىر سۇراق: مۇناي مەن گاز قورى تاۋسىلعان سوڭ, 30-50 جىلدان كەيىن قالاي ءومىر سۇرەمىز؟ ءبىزدى دە وسى ماسەلە الاڭداتادى, سوندىقتان ءبىز وسىندا كەلدىك. ارقايسىمىزدىڭ ارتىمىزدا جەكە تابىس تاريحى جاتىر. ال ءبىزدىڭ ەلىمىز جەكە ماقساتتارىمىز بەن مۇراتتارىمىزعا جەتۋگە مۇمكىندىك بەردى. ەندى ءبىز بار ءبىلىمىمىز بەن كۇشىمىزدى وتان يگىلىگى ءۇشىن جۇمساعىمىز كەلەدى! ءبىزدىڭ ادامگەرشىلىك بورىشىمىز – حالىقتىڭ سەنىمىن اقتاپ, ءوسىپ-ءونىپ, تابىس تاۋىپ, جەتىستىككە جەتۋىمىزگە مۇمكىندىك بەرگەن ەلىمىزگە شىن جۇرەكتەن قىزمەت ەتۋ», دەدى ا.قوجانازاروۆ.

پارلامەنت ءماجىلىسىنىڭ دەپۋتاتتىعىنا كانديدات ەكاتەرينا سمولياكوۆا «Respublica» پارتياسى ءبىلىمدى جاستاردى, بىلىكتى مامانداردى, ەڭبەك ادامدارىن الدىڭعى قاتارعا قوياتىنىن باسا ايتتى. ءدال وسى ءۇش تۇعىرعا ساي پارتيانىڭ سايلاۋالدى باعدارلاماسى ازىرلەنگەن.

ء«بىلىمدى جاستار – ەل دامۋىنىڭ قوزعاۋشى كۇشى. دامىعان ەلدەردى الىپ قاراساق, عىلىمدى قارىشتى دامىتىپ, زەرتتەپ جاتىر. ال ءبىز ءالى كۇنگە دەيىن الەۋمەتتىك ماسەلەلەرىمىزدى شەشە الماي كەلەمىز. ارادا 30 جىل وتسە دە سول سۇراقتاردى قويىپ جاتىرمىز. ءبىز ونى كەلەسى دەڭگەيگە كوتەرۋىمىز كەرەك. ءبىلىمدى ارتتىرۋ, عىلىممەن اينالىسۋ كەرەك. ۋنيۆەرسيتەتتەر مەن كوللەدج­دەر كاسىپورىندارمەن تىعىز بايلانىستا بولۋعا ءتيىس, وقۋ باعدارلامالارى ۇنەمى قايتا قارالىپ, زامان تالابىنا ساي تۇزەتىلىپ وتىرۋى قاجەت. دۋالدى وقىتۋدى دا بارلىق جەردە ەنگىزۋ كەرەك. بۇگىندە تالاپكەرلەر جۇمىسشى ماماندىقتارىن مەڭگەرگىسى, ايماقتارعا بارعىسى كەلمەيدى, سەبەبى جالاقى از, الەۋمەتتىك پاكەت ءوز دەڭگەيىندە ەمەس. وسى ماسەلەلەردى شەشسەك, جاستار اۋىلدارعا, زاۋىتتارعا بارادى», دەدى ە.سمولياكوۆا.