«قازاقستاندا جاسالعان»: دۇكەن سورەلەرى وتاندىق ونىممەن تولىعادى

اتاپ ايتقاندا, جول كارتاسىن ىسكە اسىرۋ بويىنشا كەلەسى ءىس-شارالار كوزدەلگەن:

تەحنيكالىق رەتتەۋ قۇرالدارى ارقىلى ىشكى نارىقتى قورعاۋدىڭ جاڭا مودەلىن ازىرلەۋ جانە «قازاقستاندا جاسالعان» بەلگىسىمەن تاۋارلاردى ەرىكتى سەرتيفيكاتتاۋ جۇيەسىن قۇرۋ. «قازاقستاندا جاسالعان» ۇلتتىق ستاندارتتار سەرياسىن ازىرلەۋ (ونىمگە, وتاندىق وندىرۋشىلەرگە جانە ونى ساتۋشىلارعا قويىلاتىن تالاپتار). ازاماتتاردى قازاقستاندىق ءونىمدى ساتىپ الۋعا ىنتالاندىرۋ ماقساتىندا ەكىنشى دەڭگەيدەگى بانكتەرمەن جانە ساۋدا جەلىلەرىمەن بونۋستاردى ەسەپتەۋ جۇيەسىن (كەش-بەك) ەنگىزۋ ماسەلەسىن پىسىقتاۋ. بۇدان باسقا, قۇجات ساۋدا قىزمەتى تۋرالى زاڭنامانى جەتىلدىرۋدى كوزدەيدى.

سونداي-اق «اكىمشىلىك قۇقىق بۇزۋشىلىقتار تۋرالى» كودەكسكە ساۋدا قىزمەتى بولىگىندە, قۇقىق بۇزۋشىلىقتىڭ سيپاتى مەن قاۋىپتىلىگىنە بايلانىستى پروپورتسيونالدى جانە بارابار اكىمشىلىك جاۋاپكەرشىلىكتى ەنگىزۋ, سونداي-اق ساۋدا قىزمەتىن رەتتەۋ تۋرالى زاڭنامانىڭ ساقتالۋىن قامتاماسىز ەتۋ شەڭبەرىندە اكىمشىلىك قۇقىق بۇزۋشىلىقتاردىڭ جاڭا قۇرامدارىن بەلگىلەۋ تۇرعىسىنان وزگەرىستەر مەن تولىقتىرۋلار ەنگىزۋ جوسپارلانىپ وتىر.