«اق جول» پارتياسى رەسپۋبليكالىق شتابىنىڭ مۇشەلەرى بەرىك دۇيسەمبينوۆ, دميتري ۆاسيلەۆ, اباي وبلىسى فيليالىنىڭ توراعاسى ەرجان تىلەۋجانوۆ جانە ءماجىلىس پەن جەرگىلىكتى ءماسليحات دەپۋتاتتىعىنا كانديداتتار «قازپوليگراف» جشس مەن سەمەي تسەمەنت زاۋىتىنىڭ ەڭبەك ۇجىمدارىمەن كەزدەسۋ وتكىزدى.
پارتيا توراعاسىنىڭ ورىنباسارى بەرىك دۇيسەمبينوۆ پارتيا ساياسي باعدارلاماسىنىڭ التى باسىم باعىتىن اتادى. ولار – تاۋەلسىزدىك پەن «الاش» ۇلتتىق يدەياسى, دەموكراتيا مەن پارلامەنتاريزم, سىبايلاس جەمقورلىق جانە دەوفشوريزاتسيامەن كۇرەس, الەۋمەتتىك ادىلەتتىلىك, نارىقتىق ەكونوميكا جانە كاسىپكەرلىكتى قولداۋ, سىرتقى ساياسات. ول سىبايلاس جەمقورلىقپەن كۇرەسكە قاتىستى ماسەلەگە جان-جاقتى توقتالىپ, «اق جول» دەموكراتيالىق پارتياسى قىلمىستىق-اتقارۋ جۇيەسىندە جازاسىن وتەپ جاتقان جەمقور شەنەۋنىكتەردى شارتتى تۇردە مەرزىمىنەن بۇرىن بوساتۋعا زاڭ جۇزىندە تىيىم سالۋ قاجەت دەپ سانايتىنىن ايتتى.
«اق جول» دەپۋتاتتارى 2019 جىلدان بەرى بۇل ۇسىنىستى بىرنەشە رەت ەنگىزدى, 2020 جىلى مۇنداي نورما قازاقستان رەسپۋبليكاسىنىڭ قىلمىستىق كودەكسىندە, بىراق اۋىر جانە اسا اۋىر سىبايلاس جەمقورلىق قىلمىستارعا قاتىستى عانا قابىلداندى. «مۇنى جەتكىلىكسىز دەپ ەسەپتەيمىز جانە بارلىق جەمقور شەنەۋنىكتى شارتتى تۇردە مەرزىمىنەن بۇرىن بوساتۋعا تىيىم سالۋدى تالاپ ەتەمىز», دەدى كانديدات.
سونىمەن قاتار جيىندا ءادىل سايلاۋ ماسەلەسى كوتەرىلدى. اقجولدىقتار مۇعالىمدەردى بوگدە جۇمىسقا تارتۋعا تىيىم سالۋ, مۇعالىمدەردىڭ سايلاۋ كوميسسيالارىنا قاتىسۋىن شەكتەۋ, قوسىمشا قۇن سالىعىنىڭ سارالانعان مولشەرلەمەلەرىن ەنگىزۋ, ينفلياتسيامەن كۇرەس, يپوتەكالىق نەسيەنىڭ جوعارى پايىزدىق مولشەرلەمەسى تۋرالى ايتتى.
كانديداتتار «اق جول» دەموكراتيالىق پارتياسى ۇكىمەت قۇرامىن مەملەكەت باسشىسى ەمەس, پارلامەنتتىك سايلاۋدا جەڭىسكە جەتكەن پارتيا جاساقتاپ, ونى پرەزيدەنتتىڭ بەكىتۋىنە ۇسىنىپ, سول ۇكىمەتتىڭ جەتىستىكتەرى مەن ساتسىزدىكتەرىنە جاۋاپتى بولۋى كەرەك دەپ سانايتىنىن ەسكە سالدى.
جينالعاندار زەينەت جاسىن تومەندەتۋ, الەۋمەتتىك باسپاناعا قاتىستى سۇراقتار قويدى. سونداي-اق ۇكىمەت الدىندا اۋىل شارۋاشىلىعىن قولداۋ ماسەلەسىن كوتەرۋدى سۇرادى.