مۇنداي سۇراق ەلەكتروندىق ۇكىمەتتىڭ سايتىندا قويىلدى, دەپ حابارلايدى Egemen.kz.
دەنساۋلىق ساقتاۋ مينيسترلىگى «حيدجاما» - بۇل ادامنىڭ تەرىسىنە كەسۋلەر جاساپ, قان شىعارۋدىڭ ەجەلگى ءادىسى ەكەنىن اتاپ ءوتتى.
«بۇل پروتسەدۋرانى جاساۋ كەزىندە ادام تەرىسىنىڭ تۇتاستىعىنا زاقىم كەلەدى, سونىمەن قاتار ءينۆازيۆتى ادىستەر قولدانىلادى. ءينۆازيۆتى ادىستەردى مەديتسينا ماماندارى جۇرگىزۋى كەرەك. بۇل رەتتە ناۋقاستىڭ كەلىسىمىن الۋ قاجەت», دەپ جاۋاپ بەردى دەنساۋلىق ساقتاۋ مينيسترلىگىندە.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستە مەديتسينالىق جانە فارماتسەۆتيكالىق قىزمەت ليتسەنزيالانۋعا جاتادى. ليتسەنزيالاۋعا جاتاتىن مەديتسينالىق قىزمەتتىڭ كىشى تۇرلەرى «رۇقساتتار جانە حابارلامالار تۋرالى» زاڭدا ايقىندالعان. كورسەتىلگەن تىزىمدە «حيدجاما» ءادىسى جوق.
سونىمەن قاتار دەنساۋلىق ساقتاۋ مينيسترلىگى «دەزينفەكتسيا, دەزينسەكتسيا جانە دەراتيزاتسيانى ۇيىمداستىرۋعا جانە جۇرگىزۋگە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىنىڭ تالاپتارىنا سايكەس «حيدجاما» راسىمىندە قولدانىلاتىن مەديتسينالىق بۇيىمدار سىني مەديتسينالىق بۇيىمدار توبىنا (تىندەرمەن, قۋىستارمەن نەمەسە قاناينالىم ارناسىمەن تىكەلەي جاناساتىن قۇرالدار مەن جابدىقتار) جاتاتىنىن اتاپ ءوتتى جانە ولار پلازمالىق نەمەسە (سۋتەگى اسقىن توتىعى نەگىزىندە) حيميالىق ادىسپەن (زارارسىزداندىرۋ قۇرالدارىنىڭ ەرىتىندىلەرىنە باتىرۋ ارقىلى) زارارسىزداندىرىلۋى ءتيىس, وعان بۋمەن (ارتىق قىسىممەن سۋمەن قانىققان بۋدىڭ اسەرىنەن), اۋا ادىسىمەن (قۇرعاق ىستىق اۋامەن) زارارسىزداندىرۋ دا جاتادى.
دەنساۋلىق ساقتاۋ مينيسترلىگى جوعارىدا ايتىلعانداردى ەسكەرە وتىرىپ, ءينۆازيۆتى ەمدەۋ ادىستەرىن مەديتسينا قىزمەتكەرى قولدانىستاعى مامان سەرتيفيكاتى بولعان كەزدە جانە سانيتارلىق ەرەجەلەر مەن نورمالاردى ساقتاي وتىرىپ جۇرگىزۋى كەرەك دەگەن قورىتىندىعا كەلدى.