عىلىم جانە جوعارى ءبىلىم مينيسترلىگى جاڭا مەموراندۋمعا قول قويدى

حالىقارالىق ايەلدەر كۇنى مەرەكەسى قارساڭىندا قابىلدانعان مەموراندۋم ايەلدەر مەن قىزدار ءۇشىن STEM تارتىپتە, عىلىمدا جانە يننوۆاتسيادا جاڭا مۇمكىندىكتەرگە جول اشۋدى كوزدەيدى.   TechnoWomen – تەحنولوگيالىق يندۋستريا مەن يننوۆاتسيادا, تسيفرلىق ترانسفورماتسياعا قابىلەتتى جانە ءبىلىمدى, تسيفرلىق قۇقىقتى, اقپاراتتىق-بايلانىس تەحنولوگيالارىن مەڭگەرگەن نازىك جاندى ازاماتشالاردىڭ باسىن قوسقان ەلىمىزدەگى جالعىز كوممەرتسيالىق ەمەس ۇيىم.   مەموراندۋم اياسىندا كاسىبي بىلىكتى ايەلدەر قاۋىمىمەن جوعارى ءبىلىم مەن عىلىمعا اتسالىسىپ, ادامي كاپيتالدى دامىتۋعا ۇلەسىن تيگىزىپ جۇرگەن, جوعارى وقۋ ورىندارىندا عىلىمي جانە كاسىبي ءىس-شارالاردى, باعدارلامالاردى ۇيىمداستىرۋدا بىرلەسە قىزمەت ەتۋ كوزدەلگەن.