وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل بولىمشەسىنىڭ جەدەل قىزمەتكەرلەرى ەسىرتكى قۇرالدارىن پايدالانۋعا ارنالعان پريتوندى جويدى, دەپ حابارلايدى Egemen.kz polisia.kz-كە سىلتەمە جاساپ.
قابىلدانعان شارالار ناتيجەسىندە پوليتسەيلەر زاڭسىز ەسىرتكى مەن زاتتاردى بىرلەسىپ پايدالانۋ ءۇشىن ناشاقورلارعا ءوز تۇرعىن ءۇيىن بەردى دەگەن كۇدىككە ىلىنگەن 37 جاستاعى پاۆلودار قالاسىنىڭ تۇرعىنىن انىقتادى.
ءتىنتۋ ءىس-شارالارى بارىسىندا تۇرعىن ءۇي-جايدا جەدەل قىزمەتكەرلەر شپريتستەردى, بوس قۇتىلاردى, كۇيە ىزدەرى بار ىدىستاردى, سونداي-اق ەسىرتكىنى پايدالانۋ ءۇشىن قولداناتىن وزگە دە زاتتاردى تاۋىپ, تاركىلەدى.
«اتالعان دەرەك قر قك-ءنىڭ 297-بابى 1-بولىگى بويىنشا تىركەلىپ, سوتقا دەيىنگى تەرگەۋ جۇرگىزىلىپ جاتىر. كۇدىكتى پاۆلودار قالاسى پب ۋۇي-عا قاماۋعا الىندى», دەپ حابارلادى پاۆلودار وبلىسى پد ەققكب باستىعىنىڭ مىندەتىن اتقارۋشى ارسەن ايعازين.