بۇگىن استانا قالاسىندا 57 جول اپاتى تىركەلدى. پوليتسيا قىزمەتكەرلەرىنىڭ ايتۋىنشا, زارداپ شەككەن ادامدار بار, دەپ حابارلايدى Egemen.kz.
پوليتسيا دەپارتامەنتىنىڭ قىزمەتكەرلەرى جۇرگىزۋشىلەردەن مۇمكىندىگىنشە مۇقيات جانە ساق بولۋدى سۇرادى.
«تاڭعى ساعات 07:00-دەن بەرى ەلوردادا 57 جول اپاتى تىركەلىپ, ءبىر ادام زارداپ شەكتى. جۇرگىزۋشىلەردەن بەلگىلەنگەن جىلدامدىق رەجيمىن قاتاڭ ساقتاۋ, تەجەگىشتى شالت باسپاۋ, قاشىقتىق پەن بۇيىرلىك ارالىقتى ساقتاۋ, سونداي-اق پاترۋلدىك پوليتسيا قىزمەتكەرلەرىنىڭ تالاپتارىن ورىنداۋ سۇرالادى. سونداي-اق قالادان تىس الىس ساپارلارعا شىعۋ ۇسىنىلمايدى», دەلىنگەن حابارلامادا.
پوليتسەيلەر جۇرگىزۋشىلەر عانا ەمەس, جاياۋ جۇرگىنشىلەر دە اسا ساق بولۋى قاجەت ەكەنىن ەسكەرتتى. ءوز قاۋىپسىزدىگىنىڭ مۇددەسى تۇرعىسىندا كوشەلەردى بەلگىلەنگەن ورىنداردان كەسىپ وتۋگە, جارىق قايتارعىش ەلەمەنتتەردى پايدالانۋعا, قۇلاققاپپەن جۇرمەۋگە جانە جولدى كەسىپ وتكەندە تەلەفونمەن سويلەسپەۋگە كەڭەس بەرىلدى.