سەناتور اندرەي لۋكيننىڭ توراعالىق ەتۋىمەن كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسى بولدى. وندا سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارادى, دەپ حابارلايدى Egemen.kz.
جاڭا قۇجات قابىلدانعاندا مەملەكەتتىك ورگاندار قىزمەتىنىڭ تيىمدىلىگىن ارتتىرۋعا, مەملەكەتتىك قىزمەت وتكەرۋ تەتىكتەرىن جەتىلدىرۋگە, مەملەكەتتىك ساياسي قىزمەتشىلەردىڭ جاۋاپكەرشىلىگىن ارتتىرۋعا, سىبايلاس جەمقورلىق قىلمىستارىنىڭ الدىن الۋعا, «ورتالىق» پەن «وڭىرلەر» اراسىنداعى ءوزارا ءىس-قيمىلدى نىعايتۋعا, مەملەكەتتىك قىزمەتشىلەردىڭ ۇتقىرلىعى مەن ىنتا-ىقىلاسىن ارتتىرۋعا سەرپىن بەرەدى.
زاڭ جوباسىنىڭ مىندەتى - كەلىسىمشارت بويىنشا ەڭبەك ەتەتىن قىزمەتشىلەر ينستيتۋتىن زاڭنامالىق بەكىتۋ. سونداي-اق زاڭ جوباسىندا مەملەكەتتىك قىزمەتشىلەردى الماستىرۋ كەزىندە تۇرعىن ءۇيدى جالداۋ ءۇشىن روتاتسيالىق تولەمدەردى ەنگىزۋ دە بار.