قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى قىرعىز رەسپۋبليكاسىنىڭ سىرتقى ىستەر ءمينيسترى جەەنبەك كۋلۋباەۆپەن «س5+1» فورماتىنداعى ورتالىق ازيا ەلدەرى مەن اقش سىرتقى ساياسي ۆەدومستۆولارى باسشىلارىنىڭ مينيسترلىك كەزدەسۋى شەڭبەرىندە كەلىسسوزدەر وتكىزدى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
قوس تاراپ ءداستۇرلى دوستىق جانە سىندارلى سيپاتتا ەكىجاقتى قاتىناستاردىڭ قازىرگى جاعدايى مەن پەرسپەكتيۆالارىن تالقىلاپ, باۋىرلاس ەلدەر اراسىنداعى كوپجاقتى ىنتىماقتاستىقتى ودان ءارى تەرەڭدەتۋگە بەيىلدىلىگىن اتاپ ءوتتى.
كەزدەسۋ بارىسىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ 2022 جىلعى 26 مامىرداعى قىرعىز رەسپۋبليكاسىنا رەسمي ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردى ىسكە اسىرۋدا وڭ ديناميكا قاناعاتتانۋشىلىقپەن اتاپ ءوتىلدى.
وڭىرلىك جانە حالىقارالىق كۇن تارتىبىندەگى وزەكتى ماسەلەلەرگە ەرەكشە نازار اۋدارىلدى. حالىقارالىق ارەنادا ءوزارا ءىس-قيمىلدى ودان ءارى نىعايتۋعا قىزىعۋشىلىق ءبىلدىرىلدى.