قارجى پيراميداسىن ۇيىمداستىرۋشى ءۇي نەمەسە كولىك الۋعا كومەكتەسەمىن دەپ تۇرعىنداردى الداپ سوققان. قارجىلىق مونيتورينگ اگەنتتىگىنىڭ شىمكەنت قالاسى بويىنشا دەپارتامەنتى پك «GAP» پيراميداسىنا قاتىستى قىلمىستىق ءىستى اياقتادى, دەپ حابارلايدى Egemen.kz.
«مىندەتتى كىرۋ جارناسى 240 مىڭ تەڭگەنى قۇرايتىن تۇرعىن ءۇي نەمەسە اۆتوكولىك الۋعا جاردەمدەسۋ جانە ودان ءارى جيناقتاۋ ءۇشىن اي سايىن 75 مىڭ تەڭگە كولەمىندە قاراجات تولەۋ تۋرالى كەلىسىمدەر جاساعان كۇدىكتى انىقتالدى. اقشاسىن سالعان ازاماتتار باسپانا مەن كولىكتى الا المادى. قما شىمكەنت قالاسى بويىنشا دەپارتامەنتىنە جۇگىنگەن 33 ازاماتقا كەلتىرىلگەن شىعىن كولەمى 77 ميلليون تەڭگەدەن استى», دەپ جازىلعان قما حابارلاماسىندا.
سوت ۇكىمىمەن ۇيىمداستىرۋشى كىنالى دەپ تانىلىپ, ول 6 جىل 8 ايعا باس بوستاندىعىنان ايىرىلدى.