ماحامبەت اۋدانىندا جاس كاسىپكەر الىبەك جۇماعاليەۆ ءوزى تۇراتىن اۋىلدا شاعىن كينوزال اشتى. ول وسى جوباسى ءۇشىن جاڭا بيزنەس-يدەيالاردى ىسكە اسىرۋعا بەرىلەتىن 1 ملن 225 مىڭ تەڭگەنىڭ قايتارىمسىز گرانتىنا يە بولعان.
ونىڭ ايتۋىنشا, ماحامبەت اۋىلىنداعى «بيزنەس-ينكۋباتور» عيماراتىنان اشقان جاڭا كينوزالعا ءار بۋىننىڭ وكىلدەرى كەلەدى. كۇندىز بالالارعا ارنالعان مۋلتفيلمدەر قويىلادى. ال كەشكى مەزگىلدە ەرەسەكتەر وتباسىمەن, دوستارىمەن بىرگە ءتۇرلى ءفيلمدى كورەدى. بيلەت باعاسى بالالار ءۇشىن – 800, ەرەسەكتەرگە – 1 200 تەڭگەدەن.
كينوزالعا كەلۋشىلەردىڭ باسىم بولىگى – وقۋشىلار مەن جاسوسپىرىمدەر. ءار اپتانىڭ سارسەنبىسىندە الەۋمەتتىك جاعدايى تومەن وتباسىلاردىڭ بالالارىنا كينو تەگىن كورسەتىلەدى.
– قايتارىمسىز گرانت قارجىسىنا قاجەتتى قۇرىلعىلاردى, LED ەكراندى ساتىپ الدىم. كەيىن زالدى دايىنداپ, جوندەۋ جۇرگىزدىك. ازىرگە ارنايى فورماتتاعى فيلمدەردى عالامتوردان الىپ وتىرمىز. پروكاتقا ازىرگە مۇمكىندىك بولماي تۇر. كەلۋشىلەر سانى كوبەيسە, كينوزالدى كەڭەيتۋدى ويلاستىرىپ ءجۇرمىن. جاڭا فيلمدەر كورسەتكىمىز كەلەدى, – دەيدى جاس كاسىپكەر.
ماحامبەت اۋداندىق اكىمدىگىنىڭ مالىمەتىنشە, بىلتىر جاڭاشىل بيزنەس-يدەيالاردى ىسكە اسىرۋ ءۇشىن قايتارىمسىز گرانتتى 30 ادام ۇتقان. ونىڭ 15-ءى جاستار بولسا, قالعانىن الەۋمەتتىك وسال توپ ساناتىنداعى جاندار العان.
اتىراۋ وبلىسى