پاۆلوداردا پەشتەگى اقاۋدىڭ سالدارىنان ءتورت بالا گازعا ۋلانىپ, اۋرۋحاناعا جەتكىزىلدى, دەپ حابارلايدى Egemen.kz.
دارىگەرلەردىڭ ايتۋىنشا, قوڭىراۋ 19 اقپان كۇنى ساعات 08.54-تە تۇسكەن. جەكە ۇيدە 15, 11, 5 جانە 2 جاستاعى ءتورت بالا كومىرقىشقىل گازىنان ۋلانىپ قالعان.
«ولاردىڭ بارلىعى ورتا دەڭگەيدە ۋلانۋ دياگنوزىمەن وبلىستىق بالالار اۋرۋحاناسىنىڭ سوماتيكالىق بولىمىنە جاتقىزىلدى», دەپ حابارلادى پاۆلودار وبلىسىنىڭ دەنساۋلىق ساقتاۋ باسقارماسىنان.
دارىگەرلەر بالالاردىڭ جەدەل جاردەم كولىگىمەن اۋرۋحاناعا جەتكىزىلگەنىن, ونىڭ قاسىندا كومىرقىشقىل گازىنان زارداپ شەككەن 32 جاستاعى اناسى دا بارىن ايتتى.