حالىقارالىق بايقاۋلار ينستيتۋتى اشىلعاننان بەرى 10 شەت مەملەكەت پەن 3 حالىقارالىق ۇيىمنان 82 بايقاۋشى اككرەديتتەلدى. بۇل تۋرالى ورتالىق سايلاۋ كوميسسياسىنىڭ حاتشىسى مۇحتار ەرمان ايتتى, دەپ حابارلايدى Egemen.kz.
«بۇگىندە ءبىر شەت مەملەكەت پەن ءبىر حالىقارالىق ۇيىمنان 15 بايقاۋشى اككرەديتاتسيادان وتۋگە ۇسىنىلدى. اتاپ ايتقاندا, يران يسلام رەسپۋبليكاسىنان 1 كانديدات, تمد باقىلاۋشىلار ميسسياسىنان 14 ۇمىتكەر», دەدى مۇحتار ەرمان.
بۇعان دەيىن ەلىمىزدە سايلاۋالدى ۇگىت-ناسيحات جۇمىستارىن جۇرگىزۋ ءۇشىن قانشا قارجى بولىنەتىنىن حابارلاعان ەدىك.
ەسكە سالا كەتسەك, قازاقستاندا پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىن سايلاۋ 2023 جىلعى 19 ناۋرىزدا وتەدى.