قىزىلوردا وبلىسى پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى, ارال اۋداندىق پوليتسيا ءبولىمى مەن «وحوتزووپروم» رمقك بىرلەسكەن جەدەل-ىزدەستىرۋ جۇمىستارى بارىسىندا اۋداننىڭ 37 جاستاعى تۇرعىنىنىڭ ءۇيىنىڭ اۋلاسىندا 26 اقبوكەن ۇشاسى تاركىلەندى, دەپ حابارلايدى Egemen.kz.
قازىرگى ۋاقىتتا وسى فاكت بويىنشا قر قك 339-بابىنىڭ 2-بولىگى بويىنشا «سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق پايدالانۋعا تىيىم سالىنعان وسىمدىكتەر نەمەسە جانۋارلار تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز قارىم-قاتىناس جاساۋ» بويىنشا سوتقا دەيىنگى تەرگەۋ جۇرگىزىلۋدە.
«كۇدىكتىگە قاتىستى بۇلتارتپاۋ شاراسىن تاعايىنداۋ تۋرالى ماسەلە شەشىلۋدە. ساراپتاما تاعايىندالدى», دەلىنگەن قىزىلوردا وبلىسى پد ءباسپاسوز قىزمەتى تاراتقان حابارلامادا.
وقيعانىڭ ءمان-جايى انىقتالىپ جاتىر.