11-17 اقپاندا سەربيا استاناسى بەلگراد قالاسىندا 18-20 جاس ارالىعىنداعى جاستار مەن 21 جاستان اسقان ەرەسەكتەر اراسىندا مما بويىنشا الەم چەمپيوناتى ءوتتى. الەم چەمپيوناتىنا 60 ەلدەن 628 سپورتشى قاتىستى. قازاقستان اتىنان مما ۇلتتىق قۇراماسىنىڭ 33 مۇشەسى ونەر كورسەتىپ جاتىر, دەپ حابارلايدى Egemen.kz.
17 اقپاندا 21 جاستان اسقاندار اراسىندا فينالدىق بەلدەسۋلەر ءوتتى. ەرەسەكتەر قۇراماسى 1 التىن, 2 كۇمىس جانە 4 قولا مەدال جەڭىپ الدى.
باتىس قازاقستان وبلىسىنىڭ سپورتشىسى رۋسلان ءابدىراحمانوۆ (52,2 كەلىگە دەيىن) فينالدىق كەزدەسۋدە باحرەين كورولدىگىنىڭ اتىنان شىققان ماگومەد شەيحوۆپەن كەزدەستى. جەكپە-جەك بويى ۇستەمدىك ءبىر جاۋىنگەردەن ەكىنشىسىنە ءوتتى. تورەشىلەر ءبىراۋىز شەشىمگە كەلە الماي, سوندا دا جەڭىس شەيحوۆقا بەرىلدى. رۋسلان ءابدىراحمانوۆ كۇمىس جۇلدەگەر اتاندى.
83,9 كەلىگە دەيىنگى سالماقتا ونەر كورسەتىپ جۇرگەن جەتىسۋ ءوڭىرىنىڭ تۋماسى جاقسىبەك ايماحانوۆ تا باحرەيندىك سپورتشىدان جەڭىلدى. ول سۇلتان وماروۆتىڭ قىلقىندىرۋ ادىسىنە ءتۇسىپ, مما بويىنشا ۆيتسە-چەمپيون اتاندى.
باتىس قازاقستان وبلىسى وكىلى اسا اۋىر سالماقتاعى راسۋل حاتاەۆ مما بويىنشا الەم چەمپيونى اتاندى. ول انگولا سپورتشىسى حەلدەر مانۋەلگە جەڭىسكە جەتى ءۇشىن ءبىر دە مۇمكىندىك قالدىرعان جوق. ول ءبىرىنشى راۋندتا وكشەسىنە اۋىرتۋ ءتاسىلىن قولدانىپ, جەكپە-جەكتى ۋاقىتىنان ەرتە اياقتاپ تاستادى.
قولا جۇلدەگەرلەر:
52,2 كەلىگە دەيىن - ەرۇلان قابدۋلوۆ (اتىراۋ وبلىسى)
77,1 كەلىگە دەيىن - دوسجان كەنجەباەۆ (الماتى وبلىسى)
93 كەلىگە دەيىن - اليك دومنيچ (استانا)
120,2 كەلىدەن اسا - تالعات جيەنتاەۆ (قوستاناي وبلىسى)
مما بويىنشا ەرەسەكتەر اراسىنداعى الەم چەمپيوناتىندا قازاقستان قۇراماسى كوماندالىق سەپتە ەكىنشى ورىن الدى.