شىمكەنتتە قىزمەت بابىن اسىرا پايدالانعان قارجى باسقارماسىنىڭ بۇرىنعى باسشىسىنا قاتىستى سوت ۇكىمى شىقتى, دەپ حابارلادى Egemen.kz.
جەرگىلىكتى باسىلىم ناقتىلاعانداي, ۇكىم اپەللياتسيالىق تارتىپتە وزگەرتىلگەن. 2023 جىلدىڭ مامىر ايىندا سوت قارجى باسقارماسىنىڭ بۇرىنعى باسشىسىن قىزمەت بابىن اسىرا پايدالاندى دەپ تانىپ, ءۇش جىلعا باس بوستاندىعىنان ايىرعان ەدى. سوتتا ايىپتالۋشى «شىمكەنت» اكك-نە 1 ميلليارد 118 ميلليون تەڭگە شىعىن كەلتىرگەنى انىقتالدى. سوتتالۋشى تاراپ سوت شەشىمىمەن كەلىسپەدى. ۇكىمگە شاعىمدانعاننان كەيىن سوتتالۋشى شارتتى تۇردە سوتتالدى.
ء«بىز ونى كىنالى دەپ تاپتىق. بۇل جەردە ءبىز وعان ءۇش جىلعا باس بوستاندىعىنان ايىرۋ جازاسىن بەردىك, تەك قالالىق سوت ۇكىمدى وزگەرتتى. اپەللياتسيالىق شاعىمدا ونىڭ ۇكىمى باس بوستاندىعىن شەكتەۋگە وزگەرتىلدى», دەدى شىمكەنت قالاسى قاراتاۋ اۋداندىق سوتىنىڭ توراعاسى الپىسباي نالىباەۆ.
بۇرىنعى شەنەۋنىككە قاتىستى قىلمىستىق ءىس 2021 جىلى قوزعالعان. تەرگەۋ 8 ايعا سوزىلدى. سونداي-اق «شىمكەنت» اكك» اكتسيونەرلىك قوعامىنىڭ ديرەكتورلار كەڭەسىنەن تاعى ەكى ادام كۇدىككە ءىلىندى.