ءدال وسىنداي 4 نىسان سەمەي مەن اياگوز قالالارىندا دا بوي كوتەرەدى, دەپ حابارلايدى Egemen.kz «حابار24» تەلەارناسىنا سىلتەمە جاساپ.
جاقىندا ۇكىمەتتەن 40 ملرد تەڭگەگە جۋىق قارجى بولىنەتىن بولدى. قوماقتى قاراجاتتىڭ ءبىر بولىگى ايماقتاعى دەمالىس بازالارىنداعى قاۋىپسىزدىكتى كۇشەيتۋگە باعىتتالماق. بىلتىر ەستەرىڭىزدە بولسا, شىلدەدە 4 ءىرى دەمالىس ورنى وتقا ورانىپ, 3000 شارشى مەتر اۋماقتاعى عيمارات كۇلگە اينالعان بولاتىن. كاسىپكەرلەر شىعىن كولەمى 2 ملرد تەڭگەدەن اسىپ تۇسكەنىن مالىمدەگەن.
- كەشەندى جوسپاردا توتەنشە جاعدايلار دەپارتامەنتىنە 37 ملرد تەڭگە قاراستىرىلعان. وسى قابانباي اۋىلىندا ءورت ءسوندىرۋ دەپوسى سالىناتىن بولادى. تاعى قوسىمشا ءبىر جاقسى كاتەر, قايىق الىپ جاتىرمىز,- دەدى اباي وبلىسىنىڭ اكىمى نۇرلان ۇرانحاەۆ.