بيىل وڭىرلەردى جىلۋمەن قامتۋ ماسەلەلەرىن شەشۋگە باعىتتالعان «جىلۋ ەنەرگەتيكاسى تۋرالى» زاڭ قابىلدانادى. بۇل تۋرالى ەنەرگەتيكا ءمينيسترى بولات اقشولاقوۆ ۆەدومستۆو القاسىنىڭ كەڭەيتىلگەن وتىرىسىندا ايتتى, دەپ حابارلايدى Egemen.kz.
«بۇل ۇزاق مەرزىمدى جوسپارلاردى جۇزەگە اسىرۋعا, ورتالىق جانە جەرگىلىكتى اتقارۋشى ورگانداردىڭ ءوزارا قارىم-قاتىناسىن جۇيەلەۋگە مۇمكىندىك بەرەدى. ساپالى جوندەۋ ناۋقاندارىن قامتاماسىز ەتۋدى جانە ينۆەستيتسيالىق باعدارلامالاردى ىسكە اسىرۋدى باقىلاۋ سالاسىنداعى يادرولىق جانە ەنەرگەتيكالىق قاداعالاۋ كوميتەتىنىڭ ءرولىن كۇشەيتۋ جوسپارلانىپ جاتىر. تاۋەكەلدەردى باسقارۋعا جانە ستانتسيالاردىڭ تەحنيكالىق جاعدايىن باقىلاۋعا مۇمكىندىك بەرەتىن تسيفرلىق ەنەرگەتيكالىق پلاتفورما پايدالانۋعا بەرىلەدى», دەدى بولات اقشولاقوۆ.
ءمينيستردىڭ ايتۋىنشا, جاريالانعان بارلىق شارالار ەلەكتر جانە جىلۋ ەنەرگەتيكاسىن دامىتۋعا سەرپىن بەرەدى.
بۇدان بۇرىن حابارلانعانداي, 2022 جىلدىڭ قورىتىندىسى بويىنشا ەلەكتر ەنەرگياسىن ءوندىرۋ 112,8 ملرد كۆت/ساع قۇرادى.