«KazAID» قازاقستاندىق حالىقارالىق دامۋ اگەنتتىگى قازاقستان-نەمىس ۋنيۆەرسيتەتى (قنۋ) جانىنداعى يۋنەسكو كافەدراسىمەن جانە قازاقستانداعى بۇۇ دامۋ باعدارلاماسىمەن بىرلەسىپ ايەلدەر كاسىپكەرلىگى تاقىرىبىندا دوڭگەلەك ۇستەل وتكىزدى, دەپ حابارلايدى Egemen.kz.
ء«ىس-شارانىڭ ماقساتى بيزنەس جۇرگىزۋ ماسەلەلەرى بويىنشا داعدىلاردى نىعايتۋ جانە تاجىريبە الماسۋ ارقىلى اۋعانستاننىڭ كاسىپكەرلىك سالاسىنداعى قاتىسۋشىلاردىڭ الەۋەتىن ارتتىرۋ بولدى. سپيكەرلەر رەتىندە ءتۇرلى قىزمەت سالالارىنداعى قازاقستاننىڭ كاسىپكەر ايەلدەرى ءسوز سويلەپ, ءوز باياندامالارىن تانىستىرىپ, قاتىسۋشىلارمەن پىكىرتالاس وتكىزدى», دەپ جازىلعان ءسىم تاراتقان حابارلامادا.
ايتا كەتەيىك, بۇل دوڭگەلەك ۇستەل اۋعانستاننان كەلگەن ايەلدەردىڭ ەكونوميكالىق قۇقىقتارى مەن بوستاندىقتارىن كەڭەيتۋگە باعىتتالعان KazAID, قنۋ مەن بۇۇ دامۋ باعدارلاماسىنىڭ ايەلدەر كاسىپكەرلىگى سالاسىنداعى العاشقى بىرلەسكەن ءىس-شاراسى.