بۇگىن, 30 قاڭتاردا ايەلدەر تەننيس قاۋىمداستىعى (WTA) ءوزىنىڭ جاڭا رەيتينگىن جاريالادى, وندا قازاقستان تەننيسشىسى ەلەنا رىباكينا 25-ءشى ورىننان 10-شى ورىنعا كوتەرىلدى, دەپ حابارلايدى Egemen.kz.
ەلەنا رىباكينا بۇل جەتىستىككە 2023 جىلعى اۆستراليا اشىق چەمپيوناتىنىڭ فينالىنا جەتكەننەن كەيىن قول جەتكىزدى. وكىنىشكە قاراي چەمپيون اتاعى ءۇشىن شەشۋشى ماتچتا ءبىزدىڭ سپورتشى قارقىندى شايقاستا بەلارۋس وكىلى ارينا سوبولەنكودان جەڭىلىپ قالدى. ءوز كەزەگىندە سوبولەنكو اتالعان رەيتينگتىڭ ەكىنشى جولاعىنا تۇراقتادى.
«قاڭتار مەن ءۇشىن ءساتتى اي بولدى, توپ-ويىنشىلارمەن وينادىم, ولاردى جەڭدىم. فيزيكالىق تۇرعىدان ءوزىمدى جاقسى سەزىنەمىن, ويىنىمنىڭ جاقسارعانىن دا كوردىم. جالپى, بۇل - اۆسترالياعا وڭ ساپار بولدى. ءارى قاراي دا سولاي بولادى دەپ ۇمىتتەنەمىن. مەن توپ-10-عا جەتۋ جولىندا كوپ ەڭبەكتەندىم, بىراق ءساتى تۇسپەي قويعان ەدى. بىراق قازىر ۇزدىك 10-دامىن جانە ماقسات بۇل كورسەتكىشتەن ءتۇسىپ كەتپەۋ. الدا ءالى دە كوپ جۇمىس بار, ماقساتتارىم دا بار, مەن ولارعا قول جەتكىزگىم كەلەدى», دەدى ەلەنا رىباكينا.
قازىر الەمنىڭ 10-شى راكەتكاسى اتانعان رىباكينانىڭ اكتيۆىندە 2815 ۇپاي بار.