جامبىل وبلىسىندا 13 ادامدى الداعان كۇدىكتى ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
سارىسۋ اۋداندىق پوليتسيا بولىمىنە جاڭاتاس قالاسىنىڭ بىرنەشە تۇرعىنىنان ءارتۇرلى ۋاقىتتا ءبىر مازمۇنداعى ارىز ءتۇستى. وندا ولار ءوزىن ءلاززات دەپ تانىستىرعان ايەلدىڭ پاتەر الىپ بەرەمىن دەپ سەنىمدەرىنە كىرىپ, قارجىلارىن يەمدەنىپ كەتكەنى تۋرالى كورسەتكەن.
كۇدىكتى ايەل 13 ادامنىڭ جالپى كولەمى 8 ميلليون تەڭگەدەن استام اقشاسىن الىپ, حابارسىز كەتكەن. ول ءوزىنىڭ اكىمدىكتە جۇمىس ىستەيتىنىن ايتقان جانە اۋدان ورتالىعىنان ارزان باعاعا كەزەكسىز پاتەر الىپ بەرەمىن دەپ الداعان.
وسى دەرەك بويىنشا قر قك-ءنىڭ 190-بابىنىڭ 3-بولىگى 4-تارماعىمەن (الاياقتىق) سوتقا دەيىنگى تەرگەپ-تەكسەرۋ امالدارى باستالدى.
بۇل باپقا سايكەس مۇلكi تاركiلەنىپ, ءۇش جىلدان جەتى جىلعا دەيىنگى مەرزiمگە باس بوستاندىعىنان ايىرۋعا دەيىن جازا قاراستىرىلعان.
«پوليتسيا قىزمەتكەرلەرىمەن جەدەل-ىزدەستىرۋ شارالارىن جۇرگىزۋ بارىسىندا 54 جاستاعى م. ەسىمدى ەشقايدا جۇمىس ىستەمەيتىن جاڭاتاس قالاسىنىڭ تۇرعىنى انىقتالىپ, ۇستالدى. سونىمەن قاتار ول ءوز اتىن ءلاززات دەپ وتىرىك ايتقانى بەلگىلى بولدى. قازىرگى ۋاقىتتا كۇدىكتى ءوز كىناسىن تولىق مويىنداپ, ۋاقىتشا ۇستاۋ يزولياتورىنا قاماۋعا الىندى», دەپ جازىلعان ءىىم تاراتقان حابارلامادا.