قازاقستان رەسپۋبليكاسى ادىلەت مينيسترلىگىنىڭ قولداۋىمەن Halyk Homebank موبيلدىك قوسىمشاسىندا جاڭا سەرۆيس پايدا بولدى, ەندى زاڭدى تۇلعانىڭ اتاۋى, ونىڭ بسن (بيزنەس-سايكەستەندىرۋ ءنومىرى), مەملەكەتتىك تىركەۋ ورنى مەن كۇنى, باسشىسى جانە قۇرىلتايشىلارىنىڭ دەرەكتەرى مەن ەلىمىزدەگى فيليالدار مەن وكىلدىكتەر تۋرالى اقپاراتتاردى ءموبيلدى قوسىمشادان بىلۋگە بولادى, دەپ حابارلايدى Egemen.kz.
بۇل تۋرالى ادىلەت مينيسترلىگىنىڭ رەسمي وكىلى تالعات ءۋالي حابارلادى.
بۇل اقپارات سەنىمدى سەرىكتەس نەمەسە سەنىمدى جۇمىس بەرۋشىنى ىزدەۋدە پايدالى. جاڭا قىزمەتتى پايدالانۋ قاراپايىم جانە وڭاي. Halyk Homebank قوسىمشاسىندا «مەملەكەتتىك قىزمەتتەر» بولىمىنە ءوتىپ, «انىقتامالار» ءبولىمىن تاڭداۋ قاجەت. ول بولىمدە «زاڭدى تۇلعالار تۋرالى مالىمەتتەر» باتىرماسى بويىنشا بارلىق قاجەتتى دەرەكتەر قولجەتىمدى.