قازاقستاننىڭ ءبىرىنشى راكەتكاسى ەلەنا رىباكينا جۇپتىق سىندا اۋستراليا اشىق چەمپيوناتىنىڭ شيرەك فينالىنا شىعا الماي قالدى, دەپ حابارلايدى Egemen.kz.
قازاقستان تەننيسشىسى رەسەيلىك اناستاسيا پاۆليۋچەنكوۆامەن بىرگە ءۇشىنشى اينالىمدا وسى «ۇلكەن دۋلىعا» ءتۋرنيرىنىڭ 10-راكەتكالارى, جاپونيالىقتار سۋحو اوياما – ەنا شيباحارامەن شەبەرلىك بايقاستى. جاپونيالىق جۇپ 6:2, 7:6 (9:7) ەسەبىمەن جەڭىسكە جەتتى.
ەلەنا رىباكينا ەندى جەكەلەي سىندا عانا جارىس جولىن جالعاستىرادى. ول ەرتەڭ الەمنىڭ 17-راكەتكاسى, لاتۆيالىق ەلەنا وستاپەنكومەن جارتىلاي فينال جولداماسىن ساراپقا سالادى.