رەسپۋبليكالىق ونوماستيكا كوميسسياسى استانا قالاسىنىڭ جاڭا قۇرىلعان اۋدانى مەن كوشەلەرىنە, سونداي-اق جامبىل وبلىسى اكىمدىگىنىڭ سارىسۋ اۋداندىق مادەنيەت ۇيىنە جاڭا اتاۋ بەرۋ ماسەلەسىن قارادى, دەپ حابارلايدى Egemen.kz.
كوميسسيانىڭ قاراۋىنا مەملەكەتتىك ورگانداردان بارلىعى 15 ۇسىنىس كەلىپ تۇسكەن. ونىڭ ىشىندە جامبىل وبلىسى اكىمدىگىنىڭ سارىسۋ اۋداندىق مادەنيەت ۇيىنە اقىن مايكوت ساندىباي ۇلىنىڭ ەسىمىن بەرۋ تۋرالى ۇسىنىسى قولداۋ تاپتى.
سونىمەن قاتار, استانا قالاسى اكىمدىگىنىڭ ۇسىنىسىنا سايكەس ەلوردادا جاڭادان قۇرىلعان اۋدانعا «نۇرا» اتاۋى, بىرقاتار كوشەلەر جانە الاڭدارعا اتاۋ بەرۋ تۋرالى ۇسىنىستارىنا وڭ قورىتىندى بەرىلدى. ولار:
بىرىككەن ۇلتتار ۇيىمى الاڭى;
ءال-فارابي داڭعىلى;
گەيدار اليەۆ كوشەسى;
اسقار زابيكۋلين كوشەسى;
اسكەن نابيەۆ كوشەسى;
سىرباي ماۋلەنوۆ كوشەسى;
مانشۇك مامەتوۆا كوشەسى;
شاپىق شوكين كوشەسى;
سانجار اسفەندياروۆ كوشەسى;
بەردىبەك سوقپاقباەۆ كوشەسى;
بەيبارىس سۇلتان كوشەسى;
ماعجان جۇماباەۆ داڭعىلى;
قارامەرگەن كوشەسى.
ايتا كەتسەك, كوميسسيا ەرلىكپەن قازا تاپقان ءورتسوندىرۋشى اسقار زابيكۋليننىڭ ەسىمىن استانا قالاسى ەسىل اۋدانىنداعى ە-583 كوشەسىنە بەرۋ تۋرالى شەشىم قابىلدادى.
«ەسىمى ەل تاريحىندا ماڭگى ساقتالعان تۇلعالاردىڭ ناسيحاتتالۋى – مىندەتتى قۇبىلىس. ونوماستيكا سالاسىندا اتقاراتىن جۇمىس كوپ, بارلىعى ۋاقىت شەڭبەرىندە جۇزەگە اسادى دەگەن سەنىمدەمىز», دەدى مادەنيەت جانە سپورت ۆيتسە-ءمينيسترى نۇرعيسا داۋەشوۆ.
جاقىن ارادا كوميسسيانىڭ قورىتىندىسى دايىندالىپ, زاڭناماعا سايكەس جۇمىستاردى جۇرگىزۋ ءۇشىن ۋاكىلەتتى مەملەكەتتىك ورگاندارعا جىبەرىلەدى.