فيليپپيندەگى سۋ تاسقىنى سالدارىنان 29 ادام قازا تاۋىپ, 4 ادام ءىز-ءتۇزسىز جوعالىپ كەتكەن. تابيعي اپاتتاردى جويۋ جونىندەگى ۇلتتىق كەڭەستىڭ مالىمەتىنشە, قولايسىز اۋا رايى رەسپۋبليكانىڭ 14 وڭىرىندە ورىن العان. سۋ تاسقىنى سالدارىنان 1,39 ميلليوننان استام ادام زارداپ شەكتى, دەپ حابارلايدى Egemen.kz.
ۆەدومستۆونىڭ مالىمەتىنشە, 484 ەۆاكۋاتسيالىق پۋنكتتەرگە 203,3 مىڭ ادام ورنالاستىرىلعان. كەم دەگەندە 14,1 مىڭ ادام ۇيلەرىن تاستاپ كەتسە, 12 ازامات ءتۇرلى دەنە جاراقاتتارىن العان. رەسپۋبليكانىڭ 14 ايماعىندا سۋ تاسقىنى مەن كوشكىندەردى قوسا العاندا 1,03 مىڭنان استام وقيعا تىركەلدى.
1,37 مىڭ ۇيگە 2,41 ميلليون پەسو (43,8 مىڭ دوللار) سوماسىنا زيان كەلتىرىلگەن. 156 ينفراقۇرىلىم نىسانىنا كەلتىرىلگەن زالال - 171,5 ميلليون پەسوعا (3,13 ميلليون دوللار), سونداي-اق اۋىل شارۋاشىلىعىنا كەلتىرىلگەن زيان - 399,5 ميلليون پەسوعا (7,29 ميلليون دوللار) باعالانعان. سۋ تاسقىنىنان 238 جول مەن 55 كوپىر زاقىمدالىپ, 26 تەڭىز پورتى قيراپ قالدى. 63 قالادا ەلەكتر قۋاتى ءۇزىلدى, بىراق 39 قالادا ول قايتا قالپىنا كەلتىرىلدى.
555 قالا مەن 134 مۋنيتسيپاليتەتتە مەكتەپتەر مەن كاسىپورىنداردىڭ جۇمىسى توقتاتىلدى. 32 ەلدى مەكەندە توتەنشە جاعداي رەجيمى ەنگىزىلدى. ۇكىمەت زارداپ شەككەندەرگە كومەك كورسەتۋ ءۇشىن 74,5 ميلليون پەسو (1,36 ميلليون دوللار) ءبولدى.