بىرقاتار وڭىردە اۋا رايىنا بايلانىستى ەسكەرتۋ جاسالدى

ماڭعىستاۋ وبلىسىنىڭ باتىسىندا ەكپىنى 25 م/س جەل سوعادى. اقتاۋدا وڭتۇستىك-شىعىستان سوققان جەلدىڭ ەكپىنى 15-20, كەيدە 23 م/س دەيىن جەتەدى.

اقمولا وبلىسىنىڭ سولتۇستىگىندە, شىعىسىندا قارلى بوران بولادى دەپ بولجانادى. وبلىستىڭ سولتۇستىگىندە, شىعىسىندا ەكپىنى 15-20 م/س دەيىن جەتەتىن جەل سوعادى. كوكشەتاۋدا وڭتۇستىك-باتىستان جەل سوعىپ, ەكپىنى 15 م/س بولادى.

جامبىل وبلىسىنىڭ تاۋلى اۋداندارىندا تۇمان كۇتىلەدى. وبلىستىڭ وڭتۇستىك-باتىسىندا, سولتۇستىك-شىعىسىندا, تاۋلى اۋدانداردا 15-20 م/س جەل سوعادى. تۇندە وبلىستىڭ سولتۇستىگىندە, تاۋلى, تاۋ بوكتەرىندەگى اۋدانداردا -30-34 گرادۋس قاتتى اياز ساقتالادى. تارازدا كەيدە تۇمان بولادى. تۇندە -30 گرادۋسقا دەيىن قاتتى اياز ساقتالادى.

سولتۇستىك قازاقستان وبلىسىنىڭ سولتۇستىگىندە, شىعىسىندا قارلى بوران كۇتىلەدى. وبلىستىڭ سولتۇستىگىندە, شىعىسىندا ەكپىنى 15-20 م/س دەيىن جەل سوعادى. پەتروپاۆلدا وڭتۇستىك-باتىستان جەل سوعىپ, ەكپىنى 15-20 م/س بولادى دەپ بولجانادى.

تۇركىستان وبلىسىنىڭ وڭتۇستىگىندە تۇمان بولادى. تاۋلى ايماقتاردا تومەنگى بوران كۇتىلەدى. 14 قاڭتاردا تۇندە وبلىستىڭ تاۋلى جانە تاۋ بوكتەرىندەگى اۋداندارىندا -25 گرادۋس قاتتى اياز ساقتالادى.

پاۆلودار وبلىسىنىڭ سولتۇستىگىندە, باتىسىندا, شىعىسىندا قارلى بوران بولجانادى. وبلىستىڭ سولتۇستىگىندە, باتىسىندا, شىعىسىندا ەكپىنى 15-20 م/س جەل سوعادى.