ۇكىمەت 2023 جىلعى 11 قاڭتاردا №13 «قازاقستان رەسپۋبليكاسىنىڭ اۋماعىنا 2022 جىلعى 1 قىركۇيەككە دەيىن اكەلىنگەن كولىك قۇرالدارىنىڭ جەكەلەگەن ساناتتارىن باستاپقى تىركەگەنى ءۇشىن الىم مولشەرلەمەسىن قولدانۋ قاعيدالارىن, شارتتارى مەن مەرزىمدەرىن بەكىتۋ جانە وسىنداي كولىك قۇرالدارىن اكەلۋدى جۇزەگە اسىرعان جەكە تۇلعالاردى وندىرۋشىلەردىڭ (يمپورتتاۋشىلاردىڭ), سونداي-اق كولىك قۇرالدارى ساناتتارىنىڭ كەڭەيتىلگەن مىندەتتەمەلەرىنەن بوساتۋ تۋرالى» قاۋلىعا قول قويدى, دەپ حابارلايدى Egemen.ءkz ىىم-گە سىلتەمە جاساپ.
قاعيدالاردا قازاقستان رەسپۋبليكاسىنىڭ اۋماعىنا 2022 جىلعى 1 قىركۇيەككە دەيىن اكەلىنگەن كولىك قۇرالدارىنىڭ جەكەلەگەن ساناتتارىن باستاپقى تىركەگەنى جانە وسىنداي كولىك قۇرالدارىن اكەلۋدى جۇزەگە اسىرعان جەكە تۇلعالاردى ۋتيل الىم تولەۋدەن بوساتقانى ءۇشىن 200 000 تەڭگە مولشەرىندە الىم مولشەرلەمەسىن قولدانۋ ءتارتىبى, شارتتارى مەن مەرزىمدەرى ايقىندالادى.
قاعيدالار 2023 جىلدىڭ 1 شىلدەسىنە دەيىن قولدانىلادى. مەملەكەت باسشىسىنىڭ شەتەلدىك اۆتوموبيلدەردى زاڭداستىرۋ جانە جولداردا قۇقىقتىق ءتارتىپتى قامتاماسىز ەتۋ جونىندەگى تاپسىرماسىن ىسكە اسىرۋ جونىندەگى شارالار تۋرالى 12 قاڭتار كۇنى ساعات 12:00-دە ىشكى ىستەر ءمينيسترىنىڭ ورىنباسارى لەپەحا يگور ۆلاديميروۆيچ ورتالىق كوممۋنيكاتسيالار قىزمەتىندە وتەتىن بريفينگتە ايتىپ بەرەدى.